Prata med oss

Till innehållet

Julevsámigiella (lulesamiska)

Svieriga girkko l evangelak- luhterak girkko mij la juogedum tjoaggulvisájda, kontráktajda, stiftajda ja rijkalattjat. Svieriga girkko fállá siebrrevuodav ja aktijvuodav manna máhtá iehtjadij gávnadit ja tjiegŋoduvvat duv jáhkon.


Svieriga girkko ålggorijkan
Ålggorijkkagirkko gåbttjå ålggorijkkatjoaggulvisájt ja ietjá ålggorijkkadåjmajt. Siebrreráde Svieriga girkkuj ålggorijkan mierret makkir ålggorijkkatjoaggulvisá gulluji Svieriga girkkuj. Gávnnuji 45 ålggorijkkatjoaggulvisá ja vil gáktselåk jubmeldievnnosaje gånnå tjåhkani dájvvalakkoj.

Misjåvnnå
Misjåvnnå mierkki ”rájadus” ja spiedjilt vidnov majt åhpadisålmmå oadtjun vihtanasstet iehtjadijda sijá jáhko birra. Girkko dálásjájge oassálassta dan rájadusán gávnadimij baktu ulmutjij  goappátjagá lahkabirrusin ja mijá rijka rájáj ålggolin. Misjåvnnå l danen avta ednagav birra majt tjoaggulvis dahká sijá ietjas rájáj sinna ja gåktu doarjju ietjá girkkojt ålles värálda birra sijá vuodo barggogåhttjusin vihtanasstet Jesusa birra. Dagáduvvá goappátjagá ekonomalasj vattaj baktu ja rája barggijt, buojkulvissan åhpadiddjijt, dåktårijt, ekonomajt jali härrájt.

Diakoniddja
Diakoniddja l girkko sosiálalasj barggo. Viddno la oasálasjvuoda, roatto ja gasskasasj solidaritehta baktu duosstot ulmutjit fámodum vidjurijn. Vuodo dási l Jubmela gieresvuohta, mij mijáv duosstu ulmutjin Jesus Kristus.

Girkko vuodo viddno
Svieriga girkko vuodo vidno li basodit jubmeldievnov, åhpadit ja barggat diakoniddjajn ja misjåvnåjn. Tjoaggulvis åvdåsvásstet dåjmas gájkajda gudi viessu ja guossidi tjoaggulvisáv. Máhttelisvuohta l gástadussaj, konfirmasjåvnnåj, fiesstimij ja hávddádibmáj.
 
Jubmeldievno
Jubmeldievnno l máhttelisvuohta Jubmelijn gávnadit aktisasjvuodan ietjá tjoaggulvisårroj. Oadtjop vuojŋadit råhkålvisán, skalon ja lávllagin. Gájka duostoduvvi ietjasa jáhkujn ja sijá guoktástallamij. Árbbedábe dåbdov vuojnnep jubmeldievno umasslágásj åsijn, gullat musijkav ja vuojnnet girkkolanja hiervvimijn. Valla oadtjop aj duosstot ådåstimev moalggemin, lávllagin ja råhkålvisán.
 
Åhpadus
Jesus åhpadij ulmutjijt gätjo viessomav. Giehtoj muodolvisájt ja ságastij ulmutjij gej gávnadij danen gå sidáj vuosedit Jubmela gieresvuodav. Åhpadisålmmå oadtjun vidnov diedojt oabllodit ja nåvti l åvddålijguovlluj dagádum gitta mijá ájggáj. Gå ájádallap åhpadussaj uddni márjju ájádallap åvdemusát skallujlåhkkijda. Valla gájkka gávnadimijn ulmutjij åhpadip juojddá nubbe nuppe birra ja iehtjama birra. Nåvti oadtjop tjiegŋodum dádjadusáv mij la årrot ulmusj.

Lågå ienebuv Svieriga girkko sáme dåjma birra dánna.

Sáme hiehtevärmádahka 063-10 12 30

Sidák soabmásav guhti gulldal? Sáme hiehtevärmádahkaj máhtá skuolkkat bierjjedagájt ja ájllegijt kl 20-24. Gejna ságasta le sjávodisvuodajáhtov dahkam. Máhttelisvuohta le sámástit.

Sapmí kontakt

Jus sidá gasskavuodaav Svieriga girkkujn jali ienebuv diehtet mij duv tjoaggulvisán dáhpaduvvá, telefåvnnånummarav gávna färttáhasj tjoaggulvissaj telefåvnnåkatalåga tjuovggisruoppsis bielijn.
 
Máhtá aj sáhkadit Svenska kyrkans /Svierga girkko, telefåvnnå 018-16 95 00.

Sálltáris, sálmma 139

gájkka bielijn muv birásta,
duv giedan lav ållu.
Jus javlav:
Sjievnnjet muv gåbtjis,
tjuovgga muv birra idjan sjaddis,
sjievnnjet dunji ij la sjievnnjet,
idja le tjuovggat degu biejvve,
sjievnnjet iesj le tjuovgga.