Närbild på någon i stickad fiskartröja som vilar den ena handen i den andra.
Foto: Albin Hillert /Ikon

Eaktodáhtolaš bargu

Lea go dus miella illudahttit oktonas vánhema dahje veahkehit veaga mii eallá hušaš? Háliidat go boahtit báhtareddjiid giellakafeai eaktodáhtolaš bargin dahje vástidit journálatelefovnna? Liekkus buresboahtin oasálastit girku eaktodáhtolaš bargguide.

Guossuhandoaibma buktá ilu árgabeaivái

Guossuhandoaimma ulbmil lea veahkehit, doarjut ja illudahttit nuppiid. Eaktodáhtolaš olbmot geat barget guossuhandoaimmas gávnnadit ovdamearkka dihte oktonas olbmuiguin guhtege agis ruovttus, buohcceviesuin dahje fáŋggain. Dat máhttá maiddái čađahuvvot telefovnna bokte. Váldde oktavuođa searvegottiin ja jeara makkár dieđut gávdnojit dál dahje evttot maid don ieš máhtálit bargat vai illudahtát ja veahkehat nuppi olbmo. Guossuhandoaibma buktá ilu sutnje guhte váldá dan vuostá ja sutnje guhte addá dan!

Searvegottit maiddái oahpahit eaktodáhtolaš bargiid šaddat olmmošresursan olbmuide váttis heahtediliin eallimis, sisafárrejeddjiid integreremis dahje eará doaimmaide mat gáibidit erenoamáš gelbbolašvuođa. 

Jođiheaddji dahje veahkkebargi joavkodoaimmaide?

Mat leat du nana bealit ja erenoamáš máhtut? Livččet go don háliidan jođihit drámájoavkku, nuoraidjoavkku dahje digaštallanjoavkku? Livččet go don máhttán jođihit Internetgursse vuorrasiidda dahje geasseleairra mánáide? Livččet go don máhttán veahkehit searvegotti dieđiheaddji sámegielat bargguin dahje veahkehit diakona heivehallat guossástallandoaimmain? Leat oalle ollu vejolašvuođat. Dađi eambbo olbmot juogadit sin návccaid dađi riggábut šaddá min oktasaš árgabeaivi.

Váldde oktavuođa du searvegottiin ja muital maid máhtát bargat ja maid háliidat bargat eaktodáhtolaččat. Du veahkis lea oalle stuorra árvu!

Háliidat go don searvat ipmilbálvalusjovkui?

Juohke ipmilbálvalus lea feasta ja buoremus feasta šaddá ovttas earáiguin. Ollu searvegottiin čoahkkanit olbmot árgabeivviid eahkediid ja plánejit ovdamearkka dihte boahtte basi meassu. Lea ávkkálaš ovttas digaštallat Ipmilbálvalusa fátta ja teavsttaid birra, válljet sálmmaid ja musihka ja maiddái smiehttat man láhkái dahkat Ipmilbálvalusa eallin. Joavkkuid miellahtut ožžot almmuhit iežas iešguđet bargguide Ipmilbálvalusaid bottuide: čuojahit, lávlut, lohkat teavsttaid, addit rihpaid, uksabeallás sávvat olbmuide buresboahtima, hervet girkolanja, vuoššat girkogáfe j. n. a. Almmut don nai iežat searvegotti girkojovkui. Ja jus dakkár joavku ii gávdno ain de máhtát don leat mielde ceggema dakkára!