Vattenstråle som fyller en dopfunt av mässing.
Foto: Alex Giacomini/Ikon

Gásttašeapmi

Háliidat go don gásttašit du máná? Dahje háliidat go ieš gásttašuvvot? Gásttašeamis mii ávvudit oktavuođa Ipmila jo olbmo gaskkas. Oktavuohta mii bistá olles eallináiggi.

Gásttašeapmi lea- bearašfeasta

Gásttašeapmi lea illu feasta bearrašii ja sohkagoddái, vejolašvuohta gávnnadit ja giitit su guhte galgá gásttašuvvot ja bivdit sutnje sivdnádusa. Gásttašeami bokte mii maiddái bovdejuvvojit stuorit bearašoktavuhtii, máilmmiviidosaš risttalaš girku oktavuhtii, ja maiddái miellahttun iežat girku searvegoddái ja Ruoŧa girkui.

Gásttašeapmi leat buot ahkásaččaid váras

Ruoŧa girku gásttaša sihke mánáid, nuoraid ja rávesolbmuid. Gásttašeapmi lea láhji Ipmila lagasvuođa hámis, addit iežas Ipmila háldui ja luohtidit Ipmila ráhkisvuhtii. Go lea sáhka mánáin dalle vánhemat álo válljejit dan mii mánnái lea buoremus, dát guoská maiddái gásttašeapmái: buorebut oadjebasvuohta eallima mátkkis. Go mánná rávástuvvá son ieš máhttá vástidit gásttašeami bovdehussii. Dan ahte eallit lahka Ipmila. Dan dahká dalle go ovdamearkka dihte searvá rihpaskuvlaoahpahussii ja rihpaid váldimii.

Háliidat go mánát gásttašuvvot dahje háliidat go ieš gásttašuvvot. Váldde oktavuođa du searvegottiin. 

Gásttašeapmi lea bovdehus

Leai Jesus ieš guhte bijai su máhttájeddjiid mátkkoštit ja ávžžuhii sin gásttašit olbmuid ja doalvut daid buriid maid son leai oahpahan sin viidáseappot. Nu láhkái riegádii risttalaš girku! Jesusa ávžžuhus gásttašit dagahii ahte gásttašeapmi šattai dehálaš oassi girku eallimis. Gásttašeapmi lea dego rabas uksa, bovdehus buohkaide oktavuhtii.

Gásttašanáiggis bulleha álo gásttašangintaliid ja lohká Jesusa iežas sániid:

“Mon lean máilmmi čuovga. Son guhte mu čuovvu ii vájal seavdnjadasas muhto sus álo lea eallima čuovga.” Johannesevangelias 8:12

Gásttašeapmi lea bovdehus šaddat Jesusa máhttájeaddji, bovdehus doalvut dan buori viidáseappot ja rahčat dan buori ovddas.

Mon lean máilmmi čuovga. Son guhte mu čuovvu ii vájal seavdnjadasas, muhto sus lea eallima čuovga.

Gásttašeapmi gohčoduvvo maiddái sakrameantan. Dat mearkkaša bassi dahku, gávnnadanbáiki olbmo ja Ipmila gaskkas.

Geavatlaš árvalusat

Jus dáhtot gásttašeami dáhpáhuvvat vissis beaivvis de galggat váldit oktavuođa du searvegottiin nu buori áiggis go vejolaš lea. Muitte maiddái dieđihit jus don háliidat dan dahkkot sámegillii dahje guovtti gillii.

Gásttašanmeannu máhttá čađahuvvot girkus, ruovttus dahje eará heivvolaš báikkis. Searvegottis máhttá maiddái várret feastalanja gásttašangáffii. Latnja gásttašangáffii máhttá muhtimin máksit, muhto gásttašeapmi lea álo nuvttá.

Jievja gásttašanleanet lea čáppa vierru, muhto dat ii leat eaktu. Ollu searvegottiin leat gásttašanbiktasat luoikamii.

Mii guoská mánáide ja nuoraide de leat vánhemat mat mearridit gásttašeamis. Jus mánás leat guokte bearráigeahčči de ferteba goappašat dohkkehit gásttašeami. Mánáin badjel 12 jagi galgá maiddái jearrat jus sii háliidit gásttašuvvot. Ii leat eaktu ahte vánhemat gullaba girkui jus galgá gásttašuvvot. Gásttašeapmi lea erenoamáš dáhpáhus. Jus oktii leat gásttašuvvon, beroškeahttá jus gulat eará risttalaš girkui, de lea gásttašeapmi Ruoŧa girkus gustovaš.

Njuoratmánná

“Iluineamet eallima ipmašiid dihte ja njuoratmánná salas mii boahtit du lusa gii addet midjiide eallima. Boahtit du lusa gii addet midjiide eallima” Sálbma 383:1