Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 96 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Ipmilbálvalus lea rabas buohkaide

Ipmilbálvalusat dollojuvvojit juohke sotnabeaivvi Ruoŧa girku searvegottiin, ja dávjá iežá beivviid maid. Ipmilbálvalus lea álo rabas buohkaide.


Mállásat leat dehálaččat
Juo árrat risttalaš historjjás šadde mállásat dehálaš oassin aktavuođas. Dat ledje ráhkisvuođamállásat go juhke biepmu nuppiiguin. Mállásat ovdánedje fargga dáhpin mas muittašedje máhttájeddjiid maŋimus mállásiid Jesusiin. Geahččaledje dulkot maid Jesusa jápmin ja bajásčuožžileapmi mearkkašii. Dát mállásat, Hearrá eahkedismállásat, en ávvuduvvojit juohke risttalaš girkus oalle dávjá.
 
Risttalaš ipmilbálvalus
Risttalaš ipmilbálvalus sáhttá dahkot máŋgga ládje muhto meastta álo leat ávvudanlávllut Ipmilii, teakstalohkan biibbalis ja rohkadallan mielde.
 
Ipmilbálvalus juohke searvegottis
Ruoŧa girku searvegottiin dollet ipmilbálvalusaid unnimusat juohke sotnabeaivvi. Muhto dávjá leat maid ipmilbálvalusat iežá vahkkobeivviid. Girku vahkkosaš  ipmilbálvaluslogahallamiin gávnnat dieđuid makkár ipmilbálvalusat dollojuvvojit girkus du orronsaji lahka. Dávjá dat álmmuhuvvojit báikkálaš aviissain muhto olu searvegottiid gávnnat maid interneahtas.
 
Rabas buohkaide
Buohkat leat bures boahtin searvat: nuorat ja boarrásat, oskkolaččat ja dat geat eai oskku. Ipmilbálvalusas oaččut veahki ipmirdit eallimat ja gávnnadit Ipmiliin. Muhto ipmilbálvalus lea maid mearka ja duođaštus girku oskkus ja lagasvuođas servvodahkii.
Sáhttá leat amas jos ii leat oahpásnuvvan dasa. Giella sáhttá leat allaáigásaš ja soitet dadjat ja dahkat dakkáriid maid mearkkašupmi lea váttis ipmirdit. Sotnabeaivvi váldoipmilbálvalusa vuogi gávnnat Sálbmagirjji loahpas. Sáhtát álo maid jearrat. Bures boahtin!

Álggu rájis risttalaččat leat čoahkkanan ipmilbálvalusaide. Álggus han eai lean nu olus. Muhtin báikkiin oaguhuvvoje iežaset oskku dihte. Lei dárbu oaidnalit ja guldalit muitalusaid Jesusa birra, gullat maid Jesusa eallin ja jápmin ja bajásčuožžileapmi mearkkašii. Ipmilbálvalusa hámi árbejedje muhtin muddui iežaset ovdalaš judalaš oskkus. Teakstalohkan lei oahpis dáhpi synagogas.