En grupp människor sätter upp ett tält på fjället.
Foto: Emma Dahlbäck /Ikon

Konfirmašuvdna

Rihpaskuvla lea fálaldat dutnje geas lea miella diehtit eanet eallima birra ja gii háliidat oahppat risttalaš oskku birra ja maid dat sáhttá mearkkašit dutnje.

Gean váras?

Ruoŧa girku sádde bovdehusa konfirmašuvdnaoahpahussii buot 14 jahkásaččaide. Doppe lea vejolaš oahppat eambbo iežas birra ja risttalaš oskku birra. Maiddái ráves olbmot máhttet almmuhit iežas konfirmašuvdnaoahpahussii. Don gávnnat eambbo dieđuid konfirmašuvdnaoahpahusa birra nuoraid ja rávesolbmuid váras Du searvegoddin websiiddus. Jus háliidat konfirmašuvdnaoahpahusa sámegillii dahje guovtti gillii de galggat váldit oktavuođa du searvegottiin ja muitalit maid dáhtut.

Konfirmašuvdnaoahpahus loahpahuvvo konfirmašuvdnafeasttain. Sátni konfirmašuvdna mearkkaša duođaštus. Rihpaid váldin bottas rohkadallá searvegoddi daid ovddas geat váldet rihpaid ja dat guhte váldá rihpaid oažžu ieš vástidit dan bovdehussii man oaččui juo dalle go gásttašuvvui: bovdehus eallit risttalaš olmmožin, Ipmila lahka.

Don máhtát oasálastit konfirmašuvdnaoahpahusas vaikko it leat gásttašuvvon. Gásttašeapmi máhttá dahkkot konfirmašuvdnaoahpahusa áiggis.

Got?

Searvegottis leat moanat iešguđet lágan konfirmašuvdnaoahpahusa.Luleju bismágoddiordne konfirmašuvdnaleairra sámenuoraide. Lea maiddái vejolaš vázzit konfirmašuvdnaoahpahusas oktii vahkkui dahje ovtta basi mánus skuvlajagi siste. Okta molssaeaktu lea almmuhit konfirmašuvdnaleirii gos, earret konfirmašuvdnaoahpahusa, maiddái ordnejit oktasaš doaimmaid, nugo vázzinmátkkiid, čuoigamiid ja earáid. Konfirmašuvdnaoahpahusas lea báhppa ja earát geat barget searvegottis, sii máhttet vástidit din jearaldagaide eallima birra. Konfirmašuvdnaoahpahusa áiggis oasálastet Ipmilbálvalusas ja ohppet ođđa áššiid birra oktasaš digaštallamiid bokte.

Konfirmašuvdnaoahpahusas ráves olbmuide servet olbmot dávjá digaštallanjoavkkuide ráves olbmuid váras dahje sis leat persovnnalaš ságastanbottut báhpain, oskku ja eallima birra.

Jus háliidat searvat konfirmašuvdnaoahpahussii sámegillii dahje guovtti gillii de galggat buktit du sávaldagaid dan searvegoddái masa gulat.

Ruoŧa Girku ordne  juohke jagi sámi rihpaskuvlla ovttasbargguin Ruoŧa girku Sámiráđiin, Härnösanda ja Lulea bismágottiid Sámi refereansajoavkkuin ja Sáminuorain.

Läs om Mika som blev konfirmandledare på samisk konfaläger.

 

Makkár fálaldat lea doppe gos don orut?

Háliidat go don, boahttevaš rihpaskuvlaoahppin, diehtit eanet dan birra mii fállojuvvo dutnje doppe gos don orut? Oza iežat girku interneahtas.

Rihpaskuvlla birra

  • Rihpaskuvla lea ruoŧagillii konfirmation, ja dat sátni boahtá latiinna sánis confirmare ja mearkkaša duođašteapmi.
  • Don beasat rihpaskuvlla vázzit dan jagi rájis go deavddát 15 jagi. Eatnasat álget rihpaskuvlla go leat gávččat luogas.