Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 95 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Miellahttuvuohta

Ruoŧa girkus leat measta čieža miljovnna miellahttu. Juohke jagi oassálastet sis eatnasat juogalágan girkoaktavuođas. Sáhttá leat unna lávlunjovkkožis gilážis, rihpaskuvllas dehe ruhtačoaggimis Ruoŧa girku riikkaidgaskasaš doarjja- ja ovdáneamebargui.


Hávdádandivat
Hávdádandivada ferte juohkehaš máksit gii lea čállon Ruŧŧii. Riikka gaskamearalaš divat jagi 2011 lea 0,24 proseantta vearuhuvvon sisaboađus. Ruoŧa girkus lea oaiveovddasvástádus doallat  hávdádusaid Ruoŧas, earret Stockholma gávpogis ja Tranåsa gielddas. Vearrudieđáhusskovis oainnát man stuoris girkodivadat ja hávdádusdivadat lea.
 
Luohpan Ruoŧa girkus
Jos mearridat luohpat Ruoŧa girkus galggat dieđihit dan báikkálaš searvegoddái. Sáhtát riŋget, fitnalit dehe čállit searvegoddái ja sihtat oažžut luohpanskovi. Sáhtát maid ieš sáddet dábálaš reiven vuolláičállon gáibádusa searvegoddái. Jos leat eahpesihkkar makkár searvegoddái gullot, sáhtát ohcat dan neahttačujuhusain mii lea olgešbealde.

Dasa man olu mávssát miellahttudivadin leat guokte váikkuhusa: du sisaboahtu ja man searvegoddái don gullot. Riikka gaskamearalaš girkodivat jagi 2011 lea 0,99 proseantta vearuhuvvon sisaboađustat.

Miellahttudivat
Ruoŧa girku goasttida iežas doaimmaid Ruoŧas ja olgoriikkas miellahttudivadiin, mii maid gohčoduvvo girkodivadin. Stuorimus oassi manná du báikkálaš searvegoddái. Divat galgá goasttidit beaivválaš bargguid mánáiguin, nuoraiguin ja boarrásiiguin, koaraid ja málistangievkkaniid, buohcceviesugirku, bearašráđđeaddima, gearggusbálvalusbáhpaid, čoahkkananbáikkiid ja doaluid aktonasaide ja oruhis olbmuide. Juohkehaš doarju maid guovllu girkoviesuid ja kultuvrralaš árvvuid bearráigeahču boahttevaš buolvvaide.

Jos juo leat gásttašuvvon iežá risttalaš searvegottis sáhtát šaddat miellahttun Ruoŧa girkui go leat leamaš girkohearrá ságain. Don gii leat guođđán Ruoŧa girku leat bures boahtin ruovttoluotta miellahttun. Jos leat eahpesihkkar leat go miellahttu dehe jos dus leat iežá jearaldagat miellahttuvuođa birra de gulahalat searvegottiin gos orut.

Jearaldagat miellahttuvuođa birra
Ovdal šadde olbmot Ruoŧas riegádettiin automáhtalaččat miellahttun Ruoŧa girkui. Odne šaddá miellahttun gásttašeami bakte. Mánát, beallešaddit ja boarrásat sáhttet gásttašuvvot. Jos mánná ii leat gásttašuvvon de sáhttá bearráigeahčči dieđihit mánás miellahttun Ruoŧa girkui. Mánát boarráset go guoktenuppelogi jagi galget ieža mieđihit miellahttuvuhtii.

Mannan jahki čilgejuvvon nummáriiguin

Jagis 2009:
 
• ledje 18 miljovnna ipmilbálvalusoassálastima
• lávlo eanet go 100 000 olbmo koarain Ruoŧa girkus
• ledje eanet go 5 500 koara
• ledje 71,3 proseantta Ruoŧa olbmuin miellahttun Ruoŧa girkus
• gásttašuvvojedje 56 proseantta visot njuorat mánáin
• oassálastte 32 proseantta visot 15-jáhkásaččain rihpaskuvlabarggus
• Ruoŧa girku guossástalai lagabui 11 500 skuvlaluohká
• Ruoŧa girku čađahii 40,9 proseantta visot Ruoŧa vihahemiin
• 83 proseantta visot hávdádusain čađahuvvojedje Ruoŧa girkus

Háliidat go šaddat miellahttun?

Deavdde searvanskovi ja sádde skovi searvegoddái gos orut. Sáhtát maid dábálaš reivviin čilget iežat oaivila. Searvegoddi váldá de aktavuođa duinna.

Dohkke maid fitnalit searvegotti daoimmahagas ja persovnnalaččat ohcat miellahttun Ruoŧa girkui. De sáhtát sihtat hupmat báhpain.

Čállon Ruoŧa olggobeallái

Jos it leat čállon Ruŧŧii sáhtát čálalaččat ohcat miellahttun Girkostivrras: Kyrkostyrelsen, 751 70 Uppsala.

E-boastta: kyrkostyrelsen@svenskakyrkan.se