Other languages with Google Translate

Use Google to automatically translate this website. We take no responsibility for the accuracy of the translation.

Provre

Hïejem soejkesjidien? Læhkoehtibie! Daennie sæjrosne bïevnesh gaavnh gærhkoehïejen bïjre.

Gærhkoehïeje

Buerie båeteme dotnen gieriesvoetem heevehtidh jïh Sveerjen gærhkosne pruvredh. Gosse gærhkosne pruvreden hearra jïh gaajhkh hïejeguessieh dotnen provremassen åvteste rohkelieh provremassen-dååjvehtassi mænngan jïh buerie-sjugniedassine dotnen feelemasse seedtieh.
Akte krïeveme jis åadtjoden gærhkosne pruvredh akte dåtnoste tjuara lïhtsege Sveerjen gærhkosne årrodh. Jis mubpie jeatjh gærhkosne jallh jaahkoem åtna ij leah heerreme gærhkoen provremassese. Sveerjen gærhkosne dovne homo- jïh heteroseksuellen paarrh provrenieh.

Gusnie?

Sïjhteden gærhkosne pruvredh, jaevriegaedtesne jallh jeatjah sijjesne? Gaskesadteden åålmegem gusnie sïjhteden pruvredh buerie astosne provren åvteli jïh dotnen vaajtelassi bïjre soptsestidien. Dah jeenjemes vietseles provregærhkoeh byöreden jaepien åvteli dængkodh.

Provregærhkoe jïh provre daamhtaj namhtah. Jis sïjhteden sjïere öörnemidie mestie lissiemaeksemem båetieh maehteden åålmeginie rååresjidh jis edtjeden dejtie maeksedh.

Provreme saemiengïelesne jallh göökte gïeline

Sïjhteden pruvredh saemiengïelesne jallh guektien gïeline? Åålmegem gaskesadteden gusnie sïjhteden pruvredh jïh jiehteden dåtnoeh sïjhteden guektien gïeleldh hearra utnedh. Hearra aaj maahta dåtnoem viehkiehtidh saalmh jïh laavlomh veeljeldh guektien gïeline. Dåtnoeh byöreden hearram buerie astosne dængkodh, sjïere jis sïjhteden giesieprovrem.

Vihkeles paehperh

Guktie åadtjoden pruvredh dellie dåtnoeh maam gohtje heerremepryövemem daarpesjidien. Daam Skaehtievierhkeste åadtjoden. Heerremepryöveme-vïhtesjimmie 4 askh jåhta daan raejeste gåessie lij tjaaleme. Heerremepryöveme-vïhtesjimmien ektesne skaehtievierhkie aaj tjaatsegem seedtie  gusnie bæjhkoehtidien minngienommen bïjre maam edtjeden dievhtedh jïh bååstide skaehtievierhkese seedtedh provren åvteli. Gåessie edtjeden hearram gaavnedidh provren bïjre soptsestidh maehteden heeremepryöveme-vïhtesjimmiem sutnjien vedtedh. Vïhtesjimmie obligatovreles guktie åadtjodh pruvredh.

Gåessie paarretjeguaktah gïeh edtjijægan pruvredh dej væljoem jiehtiejægan sinsitniem iehtsedh dellie provremassese tjatnedh jïh dej bööremes sinsætnan darjodh guktie gåabpatjahkh maehtiejægan læhkoeladtjh sjïdtedh.

Gærhkoen buerie-sjuegniedasse provrese mij joe

Jis dåtnoeh joe pruvreme, vuesiehtimmieh magistratesne jallh jeatjah laantesne, maehteden gærhkoen buerie-sjugniedimmiem åadtjodh dotnen provremassen åvteste Sveerjesne. Buerie-sjugniedassh provremasseste mahte seamma goh provre-gyrhkesjimmie.

Datne gyhtjelassh provren bïjre åtnah? Gaskesadth dov åålmegem.