Act Svenska kyrkans logotyp mot vit bakgrund.
Foto: Act Svenska kyrkan

Ruottin kirkon kansainvälinen työ

Päämäärä kirkon kansainvälisellä työlä oon ette auttaa lähimäisiä akyytissä häässä mailmala ja antaa kläpile ja täysile jokka elävä vaikeissa olosuhtheissa maholisuuen turvalisseen ja vaphaasseen elähmään. Se on malli kuvata ACT - Ruottin kirkon työtä.

Akyytti ja pitkäaikainen apu

Sie saatat auttaa lähimäisiä jokka elävä soassa, nälänhäässä ja luononkatastroofissa jos sie olet matkassa kirkon kansainvälisessä työssä. Katastrooffiavun lisäksi, Ruottin kirkko oon myötä monessa kehitysprojektissä millä oon päämäärä ette auttaa ihmisiä itte luohmaan  paremat maholisuuet hyväle arkipäiväle. 
Tähhään työhön kuuluu työntekoa ette kaikin saavat ruokaa ja vettä, maaseutukehitys, teolookinen opetus, mikrulaina, ja säästäminen niinkun sovinto ja uskonontialooki. Mutta kans oikeuenmukaisuuen taistelu, esimerkiks kaupankäynistä, ihmisoikeuksista ja vaimoitten johtajuuesta.

Kunkas justhiins sie saatat auttaa?

Ruottissa kerätyt rahat maksavat suuren osan tästä työstä. Seurakunnan lahjoja, yksityiset antajat ja yhistykset kantavat paljon työstä paremasta mailmasta. Niitä oon paljon eri mallia millä saattaa tukea kansainvälistä työtä: rahankokoamisella eli kuukausiantajanna.
Sie saatat kans mennä myötä kansainvälisseen ryhmään sinun seurakunnassa.

Ruottin kirkon seurakunnat on pohjana kansainvälisessä työssä. Net ilmottavat, opettavat ja kerräävät rahoja, esimerkiks kolehtila, basaarilla ja aktiviteettila kaupunkissa.

 ACT-aliansi on koko mailmassa. Joka paikassa ihmiset työskentelevät vaikuttaaksheen ja parantaaksheen elämäänsä.

 

ACT-aliansi

ACT Ruottin kirkko on osa ACT-aliansista. Se on kirkoitten ja järjestyksitten globaalinen katastrooffiavun, kehityksen ja vaikutuksen yhteistyö. ACT-aliansila on yli 150 jäsenkirkkoa ja jäsenjärjestöä, 25 000 työntekijää, jokka työskentelevät 125 maassa.

ACT-aliansin weppipaikhaan (ruotti)

Anna lahja oikeuenmukaiselle mailmale!

Meän plysjiiru- ja pankkijiirunumerot


Plysjiirunumero: 
90 01 22-3
Pankkijiirunumero:  900-1223
Makso ulkomailta: IBAN: SE32 9500 0099 6042 0900 1223