Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 95 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Kansainvälistä työtä

Kätevä katastrooffiapu, pitkän suunittelun kehitys, taistelu oikeuenmukaisuuen puolesta ja enemän kun satavuotinen yhteistyö Aafrikan ja Aasian kirkoitten kansa. Se on malli kuvata Koko mailmaa, Ruottin kirkon kansainvälistä työtä.


Uppsalan kirkkokansliassa suunitelhaan keräyksiä, kansanopetusta ja vaikutustyötä. Sielä Koko mailma, Ruottin kirkon kansainvälinen työ, päättää mikkä prujektit ympäri mailmaa pittää tueta rahalisesti eli työntekijöitten kautta.

Vääryyet häätyvät poistua

Tuki on tärkeä, mutta ei selvitä kaikkia prupleemia. Vääryyet jokka estävät ihmisiä elämhään arvokhaisela tavala häätyy poistaa. Samala kun kaikin pitävät nyt pystyä elättämhään ittensä, niin mailman resyrsit häätyvät riittää tulevile sukupolvile.
 
Koko mailma, Ruottin kirkko tukkee paikalisia kirkkoja ja järjestöjä Euruupassa, Aafrikassa, Aasiassa, Eteläameriikassa ja Lähi-iässä yhteistyölä kansainvälisissä kirkolisissa verkostoissa. Se on tehokas keino saa aikhaan kestävän muutoksen.

Ruottissa kerätyt rahat maksavat suuren osan tästä työstä. Seurakunnan lahjoja, yksityiset antajat ja yhistykset kantavat paljon työstä paremasta mailmasta. Tärkeät sisäletulot on varoja mitä saathaan SIDA:sta ja EU:sta.
 
Ruottin kirkon seurakunnat on pohjana kansainvälisessä työssä. Net ilmottavat, opettavat ja kerräävät rahoja, esimerkiks kolehtila, basaarilla ja aktiviteettila kaupunkissa.

Lahjoja yksityisiltä on tärkeää

Tähhään työhön kuuluu työntekoa ette kaikin saavat ruokaa ja vettä, maaseutukehitys, teolookinen opetus, mikrulaina, ja säästäminen niinkun sovinto ja uskonontialooki. Mutta kans oikeuenmukaisuuen taistelu, esimerkiks kaupankäynistä, ihmisoikeuksista ja vaimoitten johtajuuesta.

Koko mailma, Ruottin kirkon kansainvälinen työ, on olheet yhteistyössä Aafrikan ja Aasian kirkoitten kansa yli sata vuotta. Tänä päivänä työ oikeuenmukaisemasta mailmasta ilman nälkää, köyhyyttä ja sortoa on osa mailmanlaajuisesta kristilisestä yhteisöstä. ACT-aliansi on koko mailmassa. Joka paikassa ihmiset työskentelevät vaikuttaaksheen ja parantaaksheen elämäänsä.

Kun köyhä vaimo saapi luottamuksen ette lainata ja parantaa perheensä elämää se on osa kansainvälisestä työstä. Sama asia kun hiv-infeksjuunissa oleva potilas eli aidsisairas kohelthaan hoijola sen eestä kun erottelula. Eli kun ihmiset keskustelevat sovinosta sen eestä kun ette het kohtelevat toisia vihala, ja konflikti korvathaan kranninsovinola.

ACT-aliansi

Koko mailma, Ruottin kirkon kansainvälinen työ on osa ACT-aliansista, kirkoitten ja järjestyksitten globaalinen katastrooffiavun, kehityksen ja vaikutuksen yhteistyö. ACT-aliansila on yli 100 jäsenkirkkoa ja jäsenjärjestöä, 30 000 työntekijää, jokka työskentelevät 125 maassa ja jonka koko pytjetti vastaa 11 miljaartia kruunua.

Anna lahja oikeuenmukaiselle mailmale!

Meän plysjiiru- ja pankkijiirunumerot


Plysjiirunumero: 
90 01 22-3
Pankkijiirunumero:  900-1223
Makso ulkomailta: IBAN: SE32 9500 0099 6042 0900 1223