Prata med oss

Gåhttjom válldet viessomav duodajn

Gåhttjom sisadná at årrot aktisasj doajmme ja guojmmeulmusj. Luther miejnnij at gåhttjom gávnnu mijáj gájkaj dagojn ja åvdåsvásstedimen. Árggabiejve la ájnas ja Jubmel gávnnu gassko dimnajn mij dáhpáduvvá.


Bild: Kent Wisti

At årrot dárbulasj, at årrot juoga, at ietjájduhttet. Gut ij sidá vásedit at la nåv? Ja gullut juosik, at dåbdåt ietjas degu njuolgga ulmusj njuolgga sajen. Dalloj ja danna dåbddu viessom ávkálasj. Ussjolibme at juohkka ulmusj la gåhtjodum, tjuorvodum jali åhtsålum Jubmelis sisadná jur dav. At Jubmel sihtá mijáv adnet gárvedimen mij álu le manon. Aktisasj doajmme – dat majt ulmutja li gåhtjodum årrot. Martin Luthera ájgen gulluj gåhttjom åvddågiehtaj jáhkulasj viessomij. Gåhttjom mannat Klosterij jali sjaddat báhppa lij dat masi dättov biedjin.

DIMNAN LA JUBMELIN DAHKAMUJ   

Martin Luther dålkkuj gåhttjomav ietjáláhkáj. Sån miejnnij at ålles värált, ålles sebrudahka ja gájkka saje adnin Jubmelijn dahkamuháv. Jubmel ij gullu muhtem sierra sajijda. Jubmel la stuorep ja gárvet ålles ájge ådåsav suv sjivnnjádusájn, ij binnemus almatjij baktu. Gå dat tjuodtju Rámádin at Jubmel sjivnnjedij ja vuojnnij at dat lij buorre, nåv la dat vilá. Luthera gåvåv dassta mij lij ájlis, nåv at dat rávvis árggabiejvve anij bálggájt ájlisvuodas. Jubmel gávnnu gassko dimnaj ja gatját mijáv juohkka sajen, gånnå lip.

Gåhttjomussjolibme la boados dan sisanos at Jubmel sihtá gájkka ulmutjijda buorev. Luther javllá at mij galggap gijtet Jubmelav, juogu dal ienebut jali binnebut. De mij máhttep vaddet dav gijtov dan hámen berustibmáj, sujtov ja dårvov guojmmeulmutjijda, sierraláhkáj dan guojmmeulmutjij mij la bahás dásen. Dat nanni aktavuodav ulmutjij gaskan at doarjot nubbe nuppev daj dárbojn ma li. Dav mij dahkap dábálasj dåjmaj baktu ja dábálasj roallaj. Barggon degu gámagoarro, mäklar, polijsa, jali truckavuoddje, ruoppton degu ieddne, áddjá jali mánná, asstoájgge degu roahttotjiektjamhárjjidalle, klássaäjgát, ietjas mielas guossedåjman, fässtaásadiddje jali ållessjattuk ståhkamsajen. Nav, at la gájkka dåjmajn. Luther miejnnij at gájkka åvdåsvásstádusájn ja gájkka dåjmajn majt ulmutja adni ja oadtju ruoppton, vegan, barggon ja sebrudagán buoremusát máhtti dádjaduvvat degu gåhttjoma.

GÅHTTJOM LA VÁLLDET VIESSOMAV DUODAJN

Gåhttjomussjolibme la ussjolibme mij válldá viessomav duodajn. Dat la ussjolibme mij viehket mijáv válldet iehtjama duodajn ja vaddet guojmmeulmusjvuodav sierra árvov åvtbále gå nanostuhttá at guojmmeulmusjvuohta ij ber gávnnu nåvkå, dajna mij rahtjap ja nannip juohkka biejvve. Mij lip danna nubbe nubbáj ja Jubmel la danna ja gähttjá midjij liegga alodim tjalmmij.

Cecilia Nahnfeldt                                     
Täksta la oanedum hábme. Ålles gávnnu dárruj dánna www.svenskakyrkan.se/500-ar-av-reformation