Prata med oss

Till innehållet

Nåvti girkko máhttá duv doarjjot

Svieriga girkko sosiálalasj barggo gåhtjudallá diakoniddjan. Barggogåhtjos la oasálasjvuoda, roatto ja gasskasasj solidaritehta baktu duossot ulmutjijt fámodum viessomvidjurijn.


Duv tjoaggulvis máhttá ienebuv giehttot
Aktavuodav válde ietjat tjoaggulvisájn oattjotjit ienep diededimev sijá sosiálalasj dåjma birra.

Härrájn, diakonajn ja iehtjadijn gudi barggi skihpadåhpegirkkon li sjávovälggogisvuohta ja e journalajt tjále. Ij dárbaha årrot ristagis manádittjat skihpadåhpegirkkon. Jus soames skihpavuoda diehti ij máhte boahtet rågosladnaj de härrá máhttá skihppe lusi boahtet.

Skihpadåhpegirkko
Gut suorgos dejvadallá jali dárbaj viehkev máhttá aktavuodav válldet njuolgga girkkujn skihpadåben. Máhttelisvuohta adnet rågosladnav ja barggijt la girkko ålediddje goappátjagá skihppijda, lagámusájda ja barggijda gudi sihti sierra ságastimev ja siellosujtov jali säbrrat jubmeldievnojda ja råhkusijda.

Javllamusá, gietjestime ja seksuálasj gietjestime aj nuppe ulmutja vuossti riekknidalla illastibmen. Åvdebut álu buodon njálmev seksualalasj illastime gáktuj. Svieriga girkkko sihtá åvdedit sjávoårrom seksualalasj illastimij birra doajeduvvá, sihtá guorrasit masi ájtu dáhpáduvvá, ja dåjmadit dan milta.

Barggo seksualalasj illastime vuossti
Svieriga girkko sihtá doarjjot mánájt, nuorajt ja ållessjattugijt gudi li seksualalattjat illastuvvam girkko birrusijn. Ihtanis seksualalasj illastibme gåbttjå gájkka umasslágásj seksualalasj duolmmomis gitta seksualalasj illastibmáj, goappátjagá ássjálasj dago ja morálalasj lájttaĺahtte dago.

Girkko fuolkkerádevaddem
Svieriga girkko fuolkkerádevaddem gávnnu gájkajda gejn li gassjelisvuoda sijá lahka gasskavuodajn. Ulmme l gávnnut gesi l válldum jali l aktijårro, sirádum ulmutjijda jali gejda ájggu sirádit, gesi l gássjelisvuoda sirádime maŋŋela ja gesi l gassjelisvuoda gasskavuodan suv lagámusájda. Fuolkkerádevaddema barggijn la sjávovälggogisvuohta ja e ga journalajt tjále.

Surggojuohkusa
Surggojuogos la unna juogos vidájn gitta gávtse sebrulattjaj gudi gávnadi juogadittjat ájádusájt ja dåbdojt birra gåktu l masset lagámusáv. Juogos gávnat mierredum bále máhtalgis lájddijiddjij ulmijn gesi l massam suv viessomrádnav, mánav jali vuorrasap äjgádav.

Rijka moatten vuodoskåvlå alemusklássan- ja gymnásaskåvlån gávnnuji skåvllåhärrá ja diakona doarjjan oahppijda. Goappátjagá skåvllåájgen ja skåvllåájge maŋŋela oahppe máhtti sijájn aktavuodav válldet ságastittjat birra gájkka åhpadusás gitta identitähttaj ja jáhkkuj. Vuollelin lågå ienebuv birra makkir vidjurijn Svieriga girkko máhttá duv doarjjot.

Sosiálalasj bargon girkko gávnat aj boastoaddnij ja sijá lagámusáj doarjotjit ja viehkedittjat. Máhttá ságastimjuohkusijt álgadit fámodum nissunijda ja ålmmåjda ja viehkedit fuolkijt hiehtevidjurijs ma vahágahtti äjgadijt ja mánájt. Muhttijn tjoaggulvisá aj máhtti vaddet ekonomalasj viehkev dárbulattjajda.

Diakona ja härrá barggi sjávovälggogisvuodan. Manádi vuorrasij ja skibáj lunna, ásadi surggojuohkusijt ja ságasti aktugattjaj viessoma ávo ja vájve birra.

Svieriga girkko sosiálalasjbargon aktijbarggá sebrudagá måttijn sosiálalasj ásadusájn, ietjá girkkoj ja jáhkkosiebrij jali ideella organisasjåvnåj. Moadda almulasj barggosaje nåv gåk universitehtan, gádjomdievnastusán, várjjofámon, kriminallasujton ja polijsan la máhttelisvuohta härrájn gávnadit.

Doarjja Svieriga girkko fåndåjs ja vuododusájs

Åtsålvissaj dårja birra fåndåjs 2011, giesen gávna mijá webba-bielen diededimev, åtsålvisbiejvev ja blankehtav.

Fuolkkerádevaddem

  • Svieriga girkko fuolkkerádevaddem gávnnu gålmmålåk sajen birra rijkan.
  • Dån i hähttu årrot jáhkogis åtsåtjit viehkev.
  • Mákso l umasslágásj nåvkå rájes gitta nieljetjuohtáj párráj. Dåjmadagá li tjanádum tjoaggulvisájda ja hadde mierreduvvá gåktu ekonomiddja l organiseridum.
  • Fuolkkerádevadde li åhpadum sosionoma, härrá ja sykologa. Akademalasj eksáma maŋŋela l joarkkeåhpadus sykoterapiddjan ja párra- ja fuolkkerádevaddemin. Auktoriseriduvátjit Girkko fuolkkerádevadden rávkaduvvá vihtta jage máhtalgisvuohta fuolkkerádevadden Svieriga girkkon ja joarkkeåhpadus viessomárvustallamássjijn
  • Bájken guoktatuvsánavihttatjuode pára ja tuvsán aktugattja gasskavuohtagássjelisvuodaj Svieriga girkko fuolkkrrádevaddemis oadtju dårjav juohkka jage.
  • Aktugattja aj máhtti åhtsåt viehkev gasskavuohtagássjelisvuodajda. Máhttá årrot buojkulvissan surgo birra jábmema jali sirádime maŋŋela.