En kvinnlig diakon sitter utomhus och samtalar med en kvinna.
Foto: Alex & Martin /Ikon

Svieriga girkkon barggat la dåjmadit juoŋga åvdås masi jáhkká

Svieriga girkkon li bájken 22 000 virggeulmutja. Sidá gus barggoráddnan midjij sjaddat? Dánna gávna diedojt moattelágásj bargoj birra girkkon ja rabás virgij birra Svierigin ja väráldin.

Girkko dárbaj barggijt måttijs barggosuorgjijs. Ietján gå härrá, diakåvnå, musijkkára ja pedagoga barggi ekonoma, viessogähttje, diedediddje ja barggijdiehtte girkkon. Dánna gávna rabás virgijt Svieriga girkkon.

Ållo sierralágásj virge

  • Lenemus oasse girkkobarggijs tjoaggulvisájn barggi. Tjoaggulvisá ájnnasamos barggo l duosstot ja viehkedit ulmutjijt ja buorre viessoma åvdås barggat.
  • Stifta li bájkkásasj låbdån girkkon. Svieriga girkkon li 13 stifta.Stiftaj barggo l dagojt tjoaggulvisájn åvddånahttet.
  • Virgálattja rijkasasj låbdån giehtadalli ålles girkko aktisasj bargov ja åvddånimev. Girkkokansliddja Uppsalan la rijkasasj kansliddja.
  • Svieriga girkkon li aj virgálattja gudi ålggorijkajn barggi. Dánna ienep diedojt gávna diededime Svieriga girkko birra ålggorijkajn.

Bargo girkkon

Vuollelin mij giehttop nielje virge birra Svieriga girkkon.

Härrá

Härrá ájnnasamos barggo l jubmeldievnojt adnet, ulmutjijt iejvvit ja siellosujtov vaddet. Barggovahkkuj gulluji degu dal jubmeldievno, gástadusá, hávddádusá, fiesstima ja moattelágásj dáhpádusá tjoaggulvisán. Tjoaggulvishärrá máhttá sierralágásj barggonamájt adnet – degu komminisstar ja girkkohärrá. Muhtem härrájn li sierragåhttjoma girkkuj buojkulvissan skihpadåbijn, skåvlåjn jali fáŋgajn.

Diakåvnnå

Diakåvnnå barggá ulmutjij ja fuolkij moattelágásj viessomvidjurij ja vájvij. Diakåvnnå ulmutjijt viehket ietjasa viehkedit ja ietjasa fámojt gávnnat.

Diakoniddja vuojnná niedav gånnå gávnnu, ulmutjjt doarjju.

Bargguj gullu gulldalit ja vuojnnet ulmutjijt gejn li vájve ja årijt tjuovggit ja bájnnet. Diakåvnnån barggá värmmádagájn iesjmiedogisorganisasjåvnåj ja sosiála- ja varresvuohtafábmudagáj.

Tjoaggulvispedagoga

Tjoaggulvispedagogaj barggo l lájddit ja åvdedit bargojt mánájda, nuorajda ja ållessjattugijda. Sij galggi ulmutjijt moattet álldaris duosstot ja sierra juohkusijt lájddit. Sijdastallama ja ålggomano li oase bargos. Tjoaggulvispedagoga álu skåvlåj ja åhpadusinstitusjåvnåj barggá ja värmmádagá baktu kommuvnaj ja organisásjåvnåj. 

Girkkomusijkkár

Girkkomusijkkára li tjiehpes musijkkadåbdde. Girkkomusijkkár jubmeldievnojn ja ietjá girkkodáhpádusájn tjuojat ja lávllu ja kåvrajt ja orkestarijt lájddi. Sån åvdet tjoaggulvisá musijkkabargojt:  girkkokonsertajs musijkkastuvssaskåvllåj, nuorajjuohkusijda ja lávllomjuohkusijt pensjånerajda.

Dánna gávna diededimijt dáj bargoj åhpadusáj birra.