Other languages with Google Translate

Use Google to automatically translate this website. We take no responsibility for the accuracy of the translation.

Volonterrabarggo

Sidá gus ávvudit aktu äjgádav jali duojkes mánnániehkijt viehkedit? Sidá báhturij giellakafeaj boahtet volonterran jali jourtelefåvnån vásstedit? Lieggasit buorisboahtem oassálastátjit girkko volonterrabargguj.

Guossidimdoajmma ávvudagttá árggan

Guossidimdoajmmaj gullu ietjá ulmutjav viehkedit, doarjjot ja ávvudit Volontera guossidimdåjman iejvviji buojkulvissan aktu ulmutjijt moattet álldaris hejman, skihpadåben jali fáŋgan. Máhttá aj telefåvnå baktu. Válde aktavuodav tjoaggulvisájn ja gatjáda makkár bargo jur dála gávnnuji jali iesj oajvváda majt dån lulu sihtat dahkat ávvudittjat ja viehkedittjat almatjijt. Guossidimdåjma ávvudi vuosstájválldev ja viehkediddjev!

Tjoaggulvisá aj åhpadi volonterrabarggijt doarjjaalmatjin sjaddat vájves vidjurij bále viesodijn, sirddulattjaj duostodijn, jali ietjá bargojda ma sierra diedojt rávkki.

Lájddijiddje jali viehkkebargge juogosdoajmmaj?

Ma li duv tjähppudagá ja sierramáhto? Lulu gus sihtat dramajuohkusav lájddit, nuoraj musijkkajuohkusav jali ságastimjuohkusav? Lulu gus máhttet internähttakursav vuorrasappojda jali mánájsijdastallamav lájddit? Lulu gus máhttet tjoaggulvisá diedediddjev viehkedit sámegiellabargujn jali diakåvnåv viehkedit guossidimdåjmav aktijdit? Máhttelisvuodajs la galle. Madi ålobu diedojs juogadi dadi boanndáp mijá aktisasj árgga sjaddá.

Válde aktavuodav ietjat tjoaggulvisájn ja giehto majt buvtá ja dahkat sidá volonterran. Duv viehkke l oalle árvulasj!

Sidá gus jubmeldievnnojuohkusij säbrrat?

Juohkka jubmeldievnno l fässta ja buoremus festav aktan dahká. Ålojn tjoaggulvisájn tjåhkani almatja árggaiehkeda ájádalátjit buojkulvissan boahtte ájllega mässo birra. Ávkken la aktan ságastit temá birra jubmeldievnnuj ja dan tevstaj, valljit sálmajt ja musijkav ja usjudallat gåk viesov vaddet jubmeldievnoj diededimijda. Juohkusa sebrulattja oadtju aj ietjasa diededit bargojda jubmeldievnon:

tjuojadit, lávllot, tevstajt låhkåt, skallit, ulmutjijt uksaguoran duosstot, hiervvit girkkolanjáv, girkkokáfav málestit ja nåv vil.

Diededa ietjat duv tjoaggulvisá jubmeldievnnojuohkusij dån aj. Ja jus ij dakkár juogos ájn gávnnu de ihkap dån siegen la dav álgadittjat!