Prata med oss

Till innehållet

Rijkajgasskasasj barggo

Råhtos håhkkånimviehkke, guhkaájggásasj åvddånibme, oajbbom rievtesvuohtaj ja ienep gå tjuohtejahkasasj aktijbarggo girkkoj Afrikin ja Asian. Vuohke l buojkodit Jårbbå väráldav, Svieriga girkko rijkajgasskasasj barggo.


Barggo biednigahteduvvá ienemusát biednigijs ma tjoahkkeduvvi Svierigin. Vatta tjoaggulvisájs, aktugasj vaddijs ja siebrijs doarjju bargos ednagav väráldij ienep rievtesvuohtajn.  Biednikdoarjja Sidas ja EUas la ietjá ájnas sisboahto.
 
Svieriga girkko tjoaggulvisá li vuodo rijkajgasskasasj bargon. Diededi, åhpadi ja tjoaggi biednignijt, buojkulvissan kollektaj, basaraj ja dåjmaj baktu stádan.
 
Vierrevuoda hähttuji gádoduvvat
Viehkke l ájnas, valla ij tjoavde gájkka gassjelisvuodajt. Vierrevuoda ma ulmutjijt duosstu viessot árvvogisláhkáj hähttuji gádoduvvat. Avtabále gå gájka galggi máhttet ietjasa biebbmat dálla, de hähttuji ednama luohko bissot boahtte buolvajda.
 
Jårbbå värált, Svieriga girkko dårjav vaddá bájkálasj girkkojda ja organisasjåvnåjda Europan, Afrikin, Asian, Latijnnaamerikin, ja Mellan Östernin aktijbargo baktu rijkajgasskasasj girkkolasj värmmádagájn. Anedahkes vuohke l barggat bissolis buoredibmáj.
 
Girkkokansliddjan Uppsálan plániduvá tjoaggem, álmmukåhpadus ja vájkudimbarggo. Danna  mierreduvvá makkir prosjevta umasslágásj sajijn väráldin ma galggi doarjjoduvvat ekonomalattjat jali persåvnålattjat Jårbbå väráldis, Svieriga girkko rijkajgasskasasj barggo.

Vatta aktugattjasj li ájnnasa
Dán bargon la barggo biebbmuj ja tjáhtjáj gájkajda, lánndadáfoåvddånibme, teologalasj åhpadus, mikrolåna ja spárram ja såbadus ja jáhkkudakságastallam. Valla aj oajbbom rievtesvuohtaj, buojkulvissan rievtes oasestibme, håhkkånimdago, ulmutjij riektá ja nissunlasj lájddijibme.

Gå häjos nissunij vatteduvvá åskeldimev loaddnut ja buoredit viessomav suv fuolkkáj de l rijkajgasskasasj bargos oasse. Sämmi l gå hiv-dähppom jali aidsskihppe duostodovvá huvsos sadjá gå rájadallat. Jali gå ulmutja ságasti såbadusá birra sadjáj gå nubbe nuppep vasjijn duosstot, ja rijddo ráddnasemasvuodas målsuduvvá.
 
Jårbbå värált, Svieriga girkko rijkajgasskasasj barggo l aktijbarggam girkkoj Afrikin ja Asian badjel tjuohte jage. Uddni bargaduvvá väráldij rievtesvuodajn váni nielge, häjosvuoda ja duolmmoma dagi väráltvijdes ristagis aktisasjvuodan. ATC-allianssa gávnnu birra värálda. Juohkka sajen ulmutja barggi vájkudittjat ja buoredittjat sijá viessomav.

ACT-allianssa

Jårbbå värált, Svieriga girkko rijkajgasskasasj barggo l ATC-alliansas oasse, globálalasj aktijbarggo girkkoj ja organisasjåvnåj gaskan håhkkånimdagojda, åvddånibmáj ja vájkudibmáj.
 ACT-alliansan li ienep gå 100 sebrulasjgirkko ja sebrulasjorganisasjåvnå, 30 000 bargge gudi barggi 125 rijkan ja aktisasj budjähtta l vuosstájvásstediddje 11 miljarda kråvnå.

ACT-alliansa webbabälláj (ieŋŋgisgiella)

Vatte rievtes väráldij vattav!

Mijá plusgiro- ja báŋŋkagironummara
Plusgironummar:
90 01 22-3
Báŋŋkagironummr:
900-1223
Mávsos ålggorijkas: IBAN: SE32 9500 0099 6042 0900 1223