Other languages with Google Translate

Use Google to automatically translate this website. We take no responsibility for the accuracy of the translation.

Prata med oss

Ármmo ja Fábmo

Jubmel ij gájbeda majdik ruopptot, ielvvij Martin Luther. Sån sjattaj nannusit duodastum at Jubmel sidáj gádjot almatjijt ja vaddet juohkkahattjaj ådå máhttelisvuodajt.

Bild: Kent Wisti

Ármmon la fámojn dahkat. Ármmo la Jubmela vuohke adnet fámov, ja bágojn ármmo åvddåjbuktá Martin Luther tjielggasabmusit suv jubmeldádjadusáv. Agálussjam ármulasj Jubmelav lij dat mij åvddånahtij Martin Lutherav suv åhtsåmin. Åhtsålibme Jubmelav mij ij hattov vaddám, farra gájoj degu mij dálla javllap. Luther åtsåj dakkár jáhkkemav manna viessot ja girkkov mij vattij sajev dakkir jáhkkuj. 

Martin Luther lij rámátteolåvgå ja låhkåmin rámáttevstajt sån gávnaj at Jubmel lij dievas ármos. Luthera teologidjan dat gåhtjoduvvá reformasjåvnnå ielvvem: Jubmel vaddá juogu dal ándagis ja ráfev mávsek. Dat la dåssjå gatjálvis dav vuosstájválldet.

Gájka l ármo – dån la gåhtjodum friddjavuohtaj, ij årrot bággidum soames systema vuolláj. Dat jårggålij vuojnov moatte láhkaj Luthera ájgen ja sjattaj álgo suv lájtte klåstarhállduj, ándagismáksuj ja ietjá vuogijda man baktu girkko tsieggij gájbbádusájt dajda ma galggin lågoduvvat degu jáhkulasjviessomij ja njuolgga jáhkkuj. Martin Luther miejnnij at dat bådij gasskaj ja vuosteldij ulmutjijt sijá viessomin jubmeldievnon ma almma lidjin ármon. Dat sisadná ållåsij gájbbádusáj dagi muhtem vuojnojda jali njuolgga dagojda. Da etihka gájbbádusá gulluji dajda ulmusjgasskasasj aktavuodajda. Aktavuohta Jubmelijn la ietjálágásj

GÁDJOM FARRA GÅ HADDO

Ármmo l gájbbádusá dagu. Valla dat la gássjel friddjavuodav tjielggit aktavuodan, danen gå mij adnep aktavuodav juoga degu mij gájbet. Ållu l friddjavuohta aktavuodan juoga masi mij ep la hárjjánam. Jubmel la friddja mij dahká aktavuodav Jubmelijn ietjá lágátjin gå aktavuohta ulmutjij gaskan. Luther ållu anij gåvvågielav viehkken. Teologidjan viettjaduvvá ållu gåvvå ulmmus mij tjuodtju riektán dikken mij la velgulasj, valla danna Jubmelijn duobmárin mij vaddá vuordek duomov farra friddjavuodav. Dat la duobmo ármon.

Gåvån vuoset Jubmel ietjá fámov gå dat gut hattov vaddá. Dat friddja vaddem fábmo. Dat vuordek fábmo. Dat mij jáhkká oadtjomij ådå máhttelisvuodajt vajku la nåv. Gå dat dáhpáduvvá de ulmusj alvaduvvá ja imájdallá. Ulmusj ij la vuojŋadahtes, farra la ájggeguovddel dievas ájlis aktavuodajn. Jubmel sihtá aktavuodav ja vaddá jáhkov degu vattáldahkan ulmutjij. Martin Luther miejnnij at dat Jubmela åvddågåvvå hiemssi. Viessom ráhpas vuordek guovllos. Jubmel alvaduhttá. Dat mij la ållu vuordek dáhpáduvvá. At Jubmel sihtá mujna dahkamuháv vajku dimna da ma lulun máhttet vuosteldit. Dat la ármmo. Gieresvuoda vuohke adnet fámov ja vaddet ådå viessomav. 

Cecilia Nahnfeldt                                     
Täksta la oanedum hábme. Ålles gávnnu dárruj dánna www.svenskakyrkan.se/500-ar-av-reformation