Ber dån máhtá gávnnat ietjat gäjnov

Gájkka la ármmo. Jubmel vaddá midjij ándagis ja ráfev, nåvkå ja anodahtes. Aktan mij dållap jáhkov viesso árggabiejvve. Valla dat la dåssjå dån iesj gut máhtá gávnnat duv ietjat gäjnov. Ij aktak máhte viessot viessomav dunji.

En målad tavla med en folkmassa.
Foto: Kristina Strand Larsson /Ikon

Dat la dåssjå dån gut iesj máhtá gávnnat duv ietjat gäjnov, danen at dat la dåssjå dån gut tjuottjo jussta ietjat sajen. Ij aktak máhte viessot viessomav dunji. Dån ij máhte oahppat iehtjádij boasto dagojs, vajku máhtá oahppat sijájs. Dån ij máhte oadtjot ráfev ja vuohkkasav iehtjádijs. Valla dån máhtá oahppat gåk galga låhkåt kártav ja kompássav jali gåk galga gávnnat viehkijn mobiltelefåvnås. Dån ij máhte dádjadit gåk galga giehtadallat dagoj båhtusijt ja gåk dån máhtá oadtjot ruopptot ráfev gå alvos tjuottjes buollá.  

Dat la vuodoásadus reformasjåvnnå tiebmán. Dån ij máhte vaddet degu dal duv viessomav jali jáhkov oajválattjaj hállduj. Da älla girkkohärrá gudi jáhkov dålli viesso, da li gájkka jáhkulattja aktan. Da li mij gájka gudi fággádip viessomvájvij ja ávvudallap viessoma buorij bielijs ma ålles ájgev rievddi, mij gudi máhttep viehkedit nubbe nuppev gávnnat njuolga gäjnov.      

Sihtá buorev valla dahká boasstot 

Ietjá guovddo reformasjåvnnå árvvádusán la at ulmutja sihti buorev, valla dahki boasstot. Dat la dárbo, valla ij galle, at åhpadit ulmutjijt låhkåt, nåv at sij ietja dádjadi vidjurijt. Dimna dárbahi goappátjijt, kompássav ja viehkev åvddånahttet máhtov válljit riekta kártav Nå diehttelis dat la vádálasj prosjäkta, dav majt gåhttjop ”dat almulasj báhppaduobmo” – at dimna máhtti ja galggi årrot báhpa nubbe nubbáj ja lájddit nubbe nuppev jáhkon ja viessomin. Valla máhttelisvuoda li nievrep – at dujna älla mavga iehtjáda luohtedit gå dåssjå dat majt oajválattja javlli ja ij la gåsik gåsi jårkijda jus vuojnná at juoga le boasstot

DÅN IJ DÁRBAHA BALLAT

Dån ji dárbaha ballat Jubmelis mij duobbmi! Viessom la duodajn ja dån galga dållat ideálajt allagit, Valla ij mige máhte duosstot Jubmela njuolggidum ja ándagisvaddem gieresvuodav gå dån dárbaha dav. Dån máhtá åsskot at Jubmel sihtá dunji buorev. Dat la gádjolisj dåbddo mij aj máhttá oadtjot lájddit mijá aktisasj viessomav. Dat ietjájduvvá jus mij lip ålos gudi luohtedip at ålles värált vuojnat buore Jubmela giedajs. De gávnnu dårvvo vajku le vuojnnet tjáhppat. Dat gávnnu máhttelisvuohta álgget ådåsis. Da gávnnuji gäjnno njuolggavuohtaj ja ráffáj, vajku mij adnep vuosstemanojt. 

Cristina Grenholm                                  
Täksta la oanedum hábme. Ålles gávnnu dárruj dánna www.svenskakyrkan.se/500-ar-av-reformation