Other languages with Google Translate

Use Google to automatically translate this website. We take no responsibility for the accuracy of the translation.

Gástadus

Sidá gus duv mánná galggá gástaduvvat?Jali sidá gus dån iesj gástaduvvat? Gástadusán basodip aktavuodav ulmutja ja Jubmela gaskan. Aktavuohta mij gierddá ålles viessomav.

Gástadus - fuolkkeávvudallam

Gástadus la ávvudallam fuolkkáj ja svijmme tjåhkanit gijtátjit suv guhti gástaduvvá ja råhkålit  Buorissjivnnjádusáv suv viessoma åvdås. Gástadusájn gåhtjoduvvap aj oassen stuoráp Fuolkkeaktisasjvuohtaj, väráltbirástiddje ristagis girkko fuolkkeaktisasjvuohtaj ja sebrulattjan ietjas tjoaggulvisán ja Svieriga girkkon.

Gástadus la gájkka álldarijda

Svieriga girkko gástat mánájt, nuorajt ja ållessjattugijt. Gástadus la vattáldahka Jubmela lahkavuoda hámen, ietjas åskeldit Jubmelij ja dårvustallat Jubmela gieresvuohtaj. Mánáj hárráj äjgáda válljiji agev buoremusáv mánnáj, guosská aj gástadussaj: stuoráp jasskavuohta viesodijn . Gå mánná sjaddá de iesj máhttá vásstedit gástadusá gåhttjomij åvdås viessot Jubmela lahka. Dav dahká buojkulvissan konfirmasjåvnnååhpadimijn ja konfirmasjåvnåjn.

Sidá gus duv mánná galggá gástaduvvat jali sidá gus iesj gástaduvvat? Aktavuodav válde ietjat tjoaggulvisájn.

Gástadu la gåhttjom

Jesus iesj rájaj ietjas åhpadisålmmåjt ja gåhtjoj gástadit ja gaskostit gájkka buorrevuodav majt sån lij sidjij åhpadam. Nåvti ristagis girkko badjánij! Jesusa ietjas gåhttjom gástadittjat dagáj gástadusáv ájnas oassen girkko iellemis. Gástadus la degu rabás uksa, gåhttjom aktisasjvuohtaj gájkajda.

Gástadusjubmeldievnon tsahkkit agev gástadusginntalijt ja låhkå Jesusa ietjas bágojt:

”Mån lev värálda tjuovgga. Guhti muv tjuovvu ij sjievnnjedin vájalda ájnat sujna le iellema tjuovgga.”
Johannesa evangelium 8:12

Gástadus la bivddimus Jesusa åhpadisålmmån sjaddat, bivddimus gaskostit buorrevuodav ja oajbbot buorrevuodav. Mån lev värálda tjuovgga. Guhti muv tjuovvu ij sjievnnjedin vájalda ájnat sujna le iellema tjuovgga.

Gástadusáv gåhttju aj sakramänntan. Mierkki dat la ájlis dahko, gávnadimsadje ulmutja ja Jubmela gaskan. 

Vuogas gätjástusá

Jus gástadusáv sidá sierra bäjvváj de válde aktavuodav duv tjoaggulvisájn ruvva máhttelis. Mujte aj diededit jus sidá gástadimev sámegiellaj jali guovte giellaj. Gástadusjubmeldievnno máhttá årrot girkkon, hejman jali ietjá hiebalgis sajen. Máhttá aj diŋŋgot ávvudallamlanjáv gástadimkáffaj tjoaggulvisán. Lanjáv gástaduskáffaj hähttu muhttijn mákset, valla gástadus la agev mávsok.

Vielggis gástadimklennik la tjáppa dáhpe, valla ij hähttu adnet. Moatten tjoaggulvisán gávnnuji gástadimklenniga majt máhttá luojkkat.

Mánáj ja nuoraj hárráj li äjgáda gudi mierredi gástadusá birra. Jus mánán li guokta sujttoaddne de goappátja hähttuba dåhkkidit gástadusáv. Máná gudi li 12 jages vuorrasappo galggi aj gatjáduvvat jus sihti gástaduvvat. Gástaduvátjit ij la rávkalvis äjgáda libá sebrulattja girkkon. Gástadus la sierralágásj dáhpájdus. Jus dån akti la gástadum, vájku la sebrulattjan ietjá ristagis girkkon, de gástadus la fámon aj Svieriga girkkon.  

 Gåvvå: Alex Giacomini/IKON

Riegádimmánna

”Mijá ávujn viessoma oavdo birra, ja riegádimmánná giedajn boahtep duv lusi gut midjij vattij viessomav. Boahtep duv lusi gut midjij vattij viessomav” Sálmma 383:1