Gohččun lea váldit eallima duođas

Gohččun lea leat sivdnideaddjin ja lagamužžan. Luther oaivvildii ahte gohččun gávdno gait min daguin ja dat lea min ovddasvástádus. Árgabeaivi lea dehálaš ja Ipmil lea dáhpáhusaid gaskkas.

En målad tavla med en präst med kalott.
Foto: Kristina Strand Larsson /Ikon

Ahte dárbbašuvvo, mearkkašit juonin, dahkat erohusa. Gii dan ii hálit vásihit? Ja go lea gullevašvuohta, dovdat ahte lea rivttes olmmoš rivttes sajis. Dalle lea eallin ollislaš. Jurdda lea ahte Ipmil lea gohččon, čurvon dahje ohcalan juohkeovtta. Ipmil háliida leat min mielde beroškeahttá das mii dáhpáhuvvá. Sivdnideaddji – dat lea olbmo gohččun. Martin Luther áiggis gulai gohččun vuosttažettiin jáhkkui. Gohččun klosterii dahje šaddat báhppan.

GAIT LEA IPMILA DÁHTTU

Martin Luther dulkui gohččuma iežá láhkai. Oaivvildii ahte olles máilmmis, servodagas ja juohke sajis lea Ipmil. Ipmil ii leat eareliiggánis báikkiin. Ipmil lea stuorát ja čađat sivdnida iežas sivdnádusaid bokte, eandalii olbmuid bokte. Biibalis lohká Ipmil sivdnidii ja oinnii ahte dat lea buorre, dat lea ain nu. Luther rievdadii bassivuođa maid, maiddái árgabeaivvi eallin sáhttá leat bassi. Ipmil gávdno min gaskkas ja ohcala min gos mii leat.

Gohččuma jurdda lea boađus das ahte Ipmil háliida olbmuide dušše buori. Luther dadjá ahte mii galgat giitit Ipmila, eanet dahje unnit. Dalle sáhttit giitevašvuođa čájehit fuomášumiin, ovddasmorrašiin ja doarjagiin lagamuččaide, ereliiggánit olbmuide geat leat rašis dilis.  

Dát nanne olbmuid oktavuođaid go veahkehit daid geat dárbbašit veahki. Dan mii dahkat iežamet dábálaš bargguid ja doaimmaid bokte. Barggadettiin gámaduojárin, gávpeolbmán, bolesin dahje biilavuoddjin, eadnin ruovttus, áddján dahje mánnán ja astoáiggi láidesteaddjin, skuvlaváhnemin, eaktodáhtolaš bargin, lágideaddjin dahje ollesolmmožin stoahkanšiljus. Nappo gait doaimmain. Luther oaivvildii ahte gait ovddasvástádus ja barggut mat olbmos leat ja doaimmat mat olbmos leat ruovttus, bearrašis, barggus ja servodagas buoremusat sáhttá ipmirdit gohččumuššan.

GOHČČUN LEA VÁLDIT EALLIMA DUOĐAS

Gohččunjurdda lea jurdda mii váldá eallima duođas. Dat lea jurdda mii veahkeha min váldit iežamet duođas ja addit olmmošlašvuhtii sierra árvvu, seammásgo deattuha ahte olmmošlašvuohta ii gávdno ieš alddis, dan ovdii mii bargat juohke beaivvi ja nannet dan juohke beaivvi. Mii leat dás guhtet guimmiid várás ja Ipmil lea das ja geahččá midjiide liekkus movttidahtti čalmmiiguin.

Cecilia Nahnfeldt                                     
Teaksta lea oaniduvvon. Olles teaksta gávdno (Ruoŧagillii) www.svenskakyrkan.se/500-ar-av-reformation