En kvinnlig diakon sitter utomhus och samtalar med en kvinna.
Foto: Alex & Martin /Ikon

Bargat Ruoŧa girkus mearkkaša bargat juoidá mas berošta

Ruoŧa girkus leat nuo 22 000 bargi. Lea go dus miella šaddat min bargoguoibmi? Dás gávnnat dieđuid guđege virggiid birra girkus ja rabas virggiid birra Ruoŧas ja olgoriikkain.

Girku dárbbaša mielbargiid guđege ámmátsuorggis. Earret báhpaid maiddái diakonaid, musihkkáriid, dállodolliid, dieđiheddjiid ja girku bargoveaga áššedovdiid. Dás gávnnat rabas virggiid Ruoŧa girkus.

Iešguđet lágan virggit

  • Eanaš oassi girku bargoveagas barget searvegottiin. Searvegotti deháleamos doaibma lea váldit vuostá ja veahkehit olbmuid ja ovddidit buori eallima.
  • Bismágoddi lea guvllolaš dássi girkus. Ruoŧa girkus leat 13 bismágotti. 
  • Bismágottiid bargu lea doarjut searvegottiid bargguid.
  • Bargit nationála dásis fuolahit buot beliid girku bargguin ja ovdáneamis. Našuvnnalaš  čállingoddi lea girkočállingoddi Uppsalas.
  • Ruoŧa girkus leat maiddái bargit olgoriikkain. Dás gávnnat eambbo dieđuid Ruoŧa girku birra olgoriikkain.

Virggit girkus

Dás vuolábealde mii muitalit njeallje virggi birra Ruoŧa girkus.
Dás gávnnat dieđuid dáid ámmáhiid oahpahusaid birra.

Báhppa

Báhpa deháleamos doaibma lea jođihit Ipmilbálvalusa, gávnnadit olbmuiguin ja dikšut sieluid. Bargovahkus son earret eará doallá Ipmilbálvalusaid, gásttašemiid, hávdádusaid, náitosiid ja iešguđet lágan doaimmaid searvegottis. Servodatbáhpas máhttet lea moanat namahusat- ovda mearkka dihte kommunistar ja girkobáimman. Muhtin báhpain leat erenoamáš barggut girkus, ovdamearkka dihte buohcceviesuin, skuvllain ja fáŋggain.

Diakona

Diakona bargá olbmuiguin ja bearrašiiguin main leat iešguđet lágan eallindilit ja heađit. Diakona veahkeha olbmuid iežas veahkehit ja gávdnat sin siskkáldas fámuid.

Diakona áicá heađi go dakkár gávdno, dorjo olbmuid.
Bargui gullá guldalit ja oaidnit olbmuid geain leat lossa dilli ja čalmmustahttit ja váikkuhit daidda ákkaide mat leat daid váivviid duogin. Diakona bargá fierpmádagaid bokte eaktodáhtolaš servviin ja sosiála- ja dearvvašvuođaeiseválddiiguin.

Girkomusihkkár

Girkomusihkkár lea ámmátčuojaheaddji. Girkomusihkkár čuojaha ja lávlu Ipmilbálvalusain ja eará girkodoaluin, ja son jođiha koaraid ja čuojahanjoavkkuid. Son ovddida searvegotti musihkkadoaimma: girkokonsearttaid rájis gitta musihkkaovdaskuvlla rádjái, musihkkajoavkkut nuoraide ja ealáhatolbmuid lávlunjoavkkuide.

Servodatpedagoga

Servodatpedagoga bargá láidestit ja ovddidit doaimmaid mánáid, nuoraid ja rávesolbmuid váras. Dat buktá mielddis gávnnadit olbmuiguin buot agiin ja jođihit joavkkuid. Maiddái leairrat ja olgomátkkit lea oassi barggus. Servodatpedagoga bargá dávjá ovttas skuvllaiguin ja oahpahusásahusaiguin ja gielddaid ja organisašuvnnaid fierpmádagaiguin