Vattenstråle som fyller en dopfunt av mässing.
Foto: Alex Giacomini/Ikon

Laavkome

Sïjhth dov maanam lååvkesovvedh? Jallh sïjhth jïjtje lååvkesovvedh? Laavkoemisnie mijjieh gaskesem heevehtibie almetjen jïh Jupmelen gaskem. Gaskese mij dam guadta abpe jieliedisnie.

Laavkome - fuelhkiehïeje

Laavkome lea aavoen hïejefuelhkide jïhslïektese , nuepie tjåanghkenidh jïh gijhtedh daam gien laavkodh jïh buerie-sjugniedassem sov jieleden åvteste rohkelidh. Laavkomen tjïrrh mijjem bööresåvva stuerebe fuelhkie-ektievoetese, veartenen kristeles gærhkoen ektievoetese jïh lïhtseginie jïjtje åålmegisnie jïh Sveerjen gærhkose. 

Maahta gaajhkine aalterinie laavkodh

Sveerjen gærhkoe maanah, noerh jïh geerve almetjh lååvkesåvva. Laavkome lea vadtese Jupmelen lïhkesvoeteste, Jupmielasse geelkesovvedh  jïh Jupmelen gieriesvoetem jaehkedh. Dej maanaj åvteste eejhtegh veeljieh maam bööremes maanese, aaj laavkoemisnie: stuerebe jearsoesvoete jielemen feelemisnie. Gosse maana geerve sjædta dellie maahta jïjtje laavkomen bööremem vaestiedidh Jupmelen lïhke jieledh. Daam dorje skyllemelïerehtimmine jïh skylleminie. Sïjhth dov maanam lååvkesovvedh jallh sïjhth datne jïjtje lååvkesovvedh. Gaskesadth dov åålmegem.

Laavkome lea bööredimmie

Jupmele jijtsedh learohkidie stillie vaedtsiehtidh jïh laavkodh jïh gaajhkem bueriem båetiebasse jåerhkedh mejtie dejtie lïereme. Dan vuekien mietie kristeles gærhkoe sjïdteme! Jeesusen stilleme almetjidie laavkodh vihkeles sjïdteme gærhkoen jieliemasse.

Laavkome lea ræhpas okse, bööreme gaajhkide dovnide. Laavkomisnie laavkometjoevkesem båaltajehtedh jïh Jeesusen baakojde lohkedh:

Manne leam eatnemen tjoevkese. Dïhte guhte mannem dåerede, ij galkh jemhkielisnie vaedtsedh. Jielemen tjoevkesem edtja utnedh.

Johannesen vaentjele 8:12

Laavkome lea bööreme Jeesusen learohke sjïdtedh, bööreme buerievoetem jåerhkedh jïh buerie gaavhtan gæmhpodh.

Laavkome aaj sakrameentine gohtjesåvva. Dïhte lea aejlies darjome, gaavnedimmie-sijjie almetjen jïh Jupmelen gaskem.

Dæjpeles raerieh

Jis datne sïjhth laavkomem utnedh sjïere biejjesne dellie byörh dov åålmegem gaskesadtedh buerie astosne. Mujhtieh aaj jiehtedh jis datne sïjhth hearra edtja saemiestidh jallh guektien gïeline soptsestidh. Laavkome-gyrhkesjimmie maahta gærhkosne, gåetesne jallh jeatjah sjïehteles sijjesne årrodh. Maahtah aaj  hïeje-savkam laavkome-svarkeldahkese dængkodh åålmegisnie. Tjoerh naan aejkien savkan åvteste maeksedh, men laavkome namhtah. Veelkes laavkome-gapta tjaebpies vuekie men ij leah obligatovreles. Gellie åålmegh laavkome-gaptam utnieh maam maahta löönedh. Eejhtegh laavkomen bïjre nænnoestieh gosse maanam jallh noerem laavkodh. Jis maana göökte åelieh åtna dellie gåabpatjahkh tjoerijægan laavkomem dåhkasjehtedh. Jis maana båarasåbpoe 12 jaepeste tjuara dam gihtjedh jis sæjhta lååvkesovvedh. Ij leah krïeveme eejhtegh edtjieh gærhkoem gærhkoen lïhtsegh årrodh jis maanam edtjigan laavkodh. Laavkome lea sjïere deahpadimmie. Jis datne  aerebi låvkesovveme, jallh lea lïhtseginie jeatjah kristeles gærhkosne, öörnegen mietie daate kristeles laavkome Sveerjen gærhkosne aaj.