En grupp människor sätter upp ett tält på fjället.
Foto: Emma Dahlbäck /Ikon

Skylleme

Skylleme lea faalaldahke dutnjien gie jieliemasse heehkesth jïh sïjhth vielie kristeles jaahkoen bïjre daejredh jïh maam dïhte dutnjien maahta vedtedh.

Gïese?

Sveerjen gærhkoe bööremem skyllemelïerehtæmman seedtie gaajhkide gïeh 14 jaepien båeries. Desnie nuepiem åådtje jeenem lïeredh jïjtjen bïjre jïh kristeles jaahkoen bïjre. Aaj geerve almetjh maehtieh skyllemelïerehtæmman bïeljelidh. Vielie bïevnesh skyllemelïerehtimmien bïjre dovne noeride jïh geerve almetjidie datne gaavnh Dov åålmege. svenskakyrkan.se/sokforsamling

Jis sïjhth skyllemelïerehtimmiem saemiengïelesne jallh gööktine gïeline utnedh dov åålmegem bïeljelh maam vaajtelh.

Skyllemelïerehtimmie skyllemefeestine galhkoe. Baakoe ”konfirmation” lea jååhkesjimmie. Skyllemisnie åålmege dej skylliji åvteste rohkele jïh skyllije åådtje jïjtje bööremem vaestiedidh maam åadtjoeji joe laavkoemisnie: bööreme kristegassjine jieledh, Jupmelen lïhke.
Maahta skyllemelïerehtimmien meatan årrodh jalhts ij leah laavkome. Maahta skyllemelïerehtimmien mietie lååvkesovvedh.

Guktie?

Dah åålmegh gellie ovmessie såarhth skyllemelïerehtimmieh utnieh. Julevun åålmege öörnie skyllemejerkiem saemien noeride. Maahta skyllemelïerehtimmiem dåeriedidh akten aejkien våhkosne jallh akten hïeljen askesne lohkemejaepien mietie. Jallh maahtah aaj skyllemejarkan bïeljelidh, gusnie skyllemelïerehtimmie jïh tjåenghkies darjomh, goh vaanterdimmie, tjoejkeme j.n.v. Skyllemelïerehtimmesne hearra jïh dah mubpieh gïeh åålmegisnie berkieh dutnjien jïh dov gyhtjelassh jieleden bïjre vaestiedieh. Skyllemelïerehtimmesne jupmelegaagkestimmesne jïh orre aamhtesh lïeredh tjåenghkies digkiedimmine.

Skyllemelïerehtimmie geerve almetjidie daamhtaj digkiedimmiedåehkesne geerve almetjidie meatan årroeh jallh hearrine persovneles soptsestalledh jaahkoen jïh jieleden bïjre.

Jis datne sïjhth skyllemelïerehtimmiem saemiengïelesne jallh gööktine gïeline utnedh dov åålmegem bïeljelh maam vaajtelh.

Mika berättar hur hon blev konfirmandledare på samiskt konfaläger.

Anmälan till samiskt konfirmandläger hittar du på Luleå stifts hemsida.