Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 95 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Gyrhkesjimmie gaajhkesidie gaahpan

Svïenske gærhkoen åålmegisnie fïerhten aejlegen gyrhkesjimmiem heevehte, jïh gellien aejkien jeatjah biejjieh aaj. Akte gyrhkesjimmie gaajhkesidie gaahpan.


Dïsse gie ovnohkens maahta ammes domtedh. Gïele maahta klåahkan årrodh jïh jiehtieh jïh darjoeh aath mah eah leah gåvva guarkedh. Aejlegen åejviegyrhkesjimmien öörnegem Psalmegærjan minngiebieline gaavnh . Iktegisth aaj maahtah gihtjedh. Buerie båeteme!

Aalkoste dah kristegassjh gyrhkesjæmman tjåanghkenin. Eah aalkoste man gallesh lin. Muvhth dajvine dejtie dej jaahkoste dåålvedin. Daarpesjin gaavnedidh jïh dejtie soptsesidie Jesusen bïjre goltelidh, govledh guktie Jesusen jielemem jïh jaememem jïh tjuedtjielimmiem buerkiestin. Dan gyrhkesjimmien hammoem sijjen båeries judaj jaahkoste eerpin. Boelhke tekstelohkeminie synagogeste damtijin.
 
Maalestahke vihkeles
Joe aareh kristeles histovrijisnie dïhte maalestahke ektievoetesne vihkeles boelhke sjïdti. Dïhte lij gieriesvoeten maalestahke gosse beapmojste joekedin. Destie dïhte maalestahke vuekine evtiedi gosse learohki minngemes maalestahkem Jesusen ektine ieriedin. Voejhkelin goerkesidh Jesuse jaameme jïh tjuedtjielamme. Dam maalestahkem, aejlies maalestahke, gellien aejkien gaajhki kristegassji gærhkojne annje heevehtieh.
 
Kristeles gyrhkesjimmie
Aktem kristeles gyrhkesjimmiem maahta gellie vuekiej mietie juhtiehtidh, badth iktegisth Jupmelem laavlominie heevehte, bijpelistie tekstelohkeme jïh rohkelimmie.
 
Gyrhkesjimmie gaajhkh åålmegisnie
Svïenske gærhkoen åålmegisnie sån fïerhten aejlegen gyrhkesjimmiem heevehte. Badth gellien aejkien jeatjah biejjieh våhkosne aaj. Plaerine våhkoen gyrhkesjimmide gaavnh jïh mij gyrhkesjimmide muvhth gærhkojne heevehtieh dov årromesijjesne. Gellien aejkien byjreske-plaerine bievnieh, badth gellie åålmegh aaj webb-bieline gaavnh.
 
Gaajhkesidie gaahpan
Gaajhkesh dovnesh åajva guessine gærhkose båetedh: båeries jïh noerh, dah gïeh jaehkieh jïh dah gïeh eah jaehkieh. Gyrhkesjimmesne viehkiem åadtjoejibie mijjen jielemem goerkesidh jïh Jupmelem gaavnedidh. Gyrhkesjimmie aaj akte væhta jïh vïhnestimmie gærhkoen jaahkoen bïjre jïh lïhkesvoete sïebredahkesne.