Other languages with Google Translate

Use Google to automatically translate this website. We take no responsibility for the accuracy of the translation.

Jaememe jïh juvleme

Juvlemisnie mijjieh jaememen jïh laehpemen bïjre gaavnedibie. Mijjieh sealadamme almetjem gååvnehtehtebe jïh daam Jupmielasse vedtebe.

JUVLEMEBYJRÅE JÏH GÆRHKOE DÅARJOJNE

Gosse lïhkesadtje sealade dellie jieleme jeatjhlaakan sjædta. Dovne juvlemebyjråe jïh åålmege desnie datnem edtja dåarjodh jïh viehkiehtidh. Dïhte buerie aelkedh juvlemebyjråem bïeljelidh. Dïhte datnem viehkehte. Juvlemebyjråe viehkehte åålmegasse bïeljelidh jïh juvlemesijjiem jïh hearram dængkodh. Jis datne sïjhth hearram juvlemisnie utnedh gie maahta saemiestidh jallh guektien gïelen hearram utnedh edtjh dam juvlemebyjråese jallh dov åålmegasse jiehtedh juvlemen åvtelen.

Gaajhke baeliem åtna, gaajhke mij elmien nuelesne, jijtse biejjiem åtna. Predikaren 3:1

Juvlemebyjråem lea dovres dængkodh jïh dah lïhkesadtjh maehtieh jïjtjh nænnoestidh jis sijhtieh dejstie viehkiem utnedh. Juvlemegyrhkesjimmie hearrine jïh gærhkoen tjïelth namhtah jis åemehke lij lïhtsege Sveerjen gærhkosne.

Aalkoebarkoe juvlemen åvtelen

Gosse juvlemem, gærhkoem jallh gærhketjem dængkome dellie hearra lïhkesadtjide bïeljele. Hijven gåetesne jallh gærhkoen sijjesne tjåanghkenidh juvlemem soejkesjidh. Vihkeles hearra åådtje jeenem daejredh åemehken bïjre jïh mij vaajtelasside lïhkesadtjh juvlemen bïjre utnieh. Ektesne soptsestalledh guktie juvleme edtja årrodh jïh åemehken jieleden jïh sealadimmien bïjre soptsestalledh.

Kroeptem bueriesjugniedidh

Juvleme nuepiem vadta ektesne sårkodh, gijhtedh jïh gåvnahtehtedh. Musihke, laavlomh jïh rohkelassh leah vyörtegs jïh soelkedsvoetine åemehkem Jupmelen gïetide vedtedh. Jis dah lïhkesadtjh veeljeme kremeeredh dellie abpe juvlemegyrhkesjimmie gærhkosne jallh gærhketjisnie. Jis dah lïhkesadtjh gæstoejuvlemem veeljeme maahta gyrhkesjimmien minngiegietjesne ektesne kroeptese vaedtsedh jïh gæstoem kroepten sïjse badtehtidh.

Muvhten aejkien åemehkem sjïere sjïekenistie joe juvlemen åvtelen kreemereme jïh dan gaavhtan govnelihtiem juvlemisnie utnieh.

Lihtiem maehtieh eatnemen sïjse juvlemegyrhkesjimmien minngiegietjesne badtehtidh. Laaken mietie juvleme edtja årrodh asken mænngan sealadamme. Gosse kremeereme govnem eatnemen sïjse juvlemen mænngan badtehte minngiemost jaepien kremeeremen mænngan.

Mojhtesetjåanghkoe

Juvlemegyrhkesjimmien mænngan buerie prïhtjegasse tjåanghkenidh åålmegesavkesne jallh lïhkesadtji gåetesne. Mojhtesetjåanghkosne nuepie voelph jïh fuelhkieh ektesne åemehkemmåjhtajehtedh. Jis dah lïhkesadtjh sijhtieh hearra galka mojhtesetjåanghkosne meatan årrodh dellie hijven jis dam juvlemen åvtelen soptseste. Jeenjemes åålmegesavkah maehtieh namhtah mojhtesetjåanghkose dængkodh. Beapmoeh maehtieh juvlemebyjråen jallh åålmegen tjïrrh dængkodh.

Juvlemen mænngan

Gellie sårkojh dååjrehtieh geervemes tïjje juvlemen mænngan båata.Ohtselimmie. Åålmegen hearrah jïh diakovnh dov baalte sårkosne gååvnesieh. Gellie åålmegh sårkoedåehkieh utnieh. Sårkoedåehkine maahta dååjrehtimmieh juekedh jaememen, ohtselimmiem jïh domtesi bïjre mubpiejgujmie gïeh aaj sårkosne. Ij oktegh daarpesjh aktemieresne årrodh.

Bïevnesh juvlemen bïjre

Guktie juvlemem Sveerjesne öörnedh?
Mij lea juvlememaaksoe jïh mijdïsse?
Lohkh vielie juvlemen bïjre daesnie.