Kyrkobesökare i samiska dräkter sitter i kyrkbänkarna.
Foto: Carl-Johan Utsi /Ikon

Jaahkoebyjhkesjimmie

Jaahkoebyjhkesjimmie iktede kristeles jaahkoe lea golmenektievoeten Jupmelem jaehkedh: Jupmele goh Aehtjie, Baernie jïh Voejkene.

Teologijen gïehtjedimmie jaahkoebyjhkesjimmien golme artihkeli bïjre sveerjengïelesne.

Jupmelen jaehkedh mij jieledem vedtedh fïerhten biejjien 

Mijjieh Jupmelem jaehkebe mij lea jieledem almetjasse jïh univeersese vadteme jïh jåarhka jieledem vedtedh fïerhten biejjien. Dïhte akte Jupmele mij almetjem sjïdteme Jesus Kristusinie jïh jåarhka mijjien luvnie aejlies Voejkeninie jieledh. 

Gååvnesieh gellie jaahkoebyjhkesjimmieh. Dïhte jaahkoebyjhkesjimmie maam mijjieh ektesne gyrhkesjimmesne, laavkoemisnie jïh skyllemisnie lohkebe gohtje apostolihken jaahkoebyjhkesjimmiem jïh gærhkoe dam 300-låhkosne haamoedi: 

Aejlies jaahkoe

Mijjieh Jupmele Aahtjan jaehkebe,
faamohkommes, Elmien jïh eatnemen sjugniedæjjese.
Mijjieh Jeesus Kristusasse aaj jaehkebe,
Jupmelen aajnehke baarnan, mijjen åajvan
gie Aejlies Voejkeninie åedtjine sjïdti,
Maarja nïejteste reakadi,
Pontius Pilatusen baelien njåvtasovvi,
kroessese noeresovvi, jeemi jïh kroeptese bïejesovvi, våålese jaemede-rïjhkese vöölki,
gåalmeden biejjien jaemiedistie tjuedtjieli,
bæjjese Alman vöölki,

Jupmelen, faamohkommes Aehtjien åelkies bielesne  tjahkan,
gubpede vihth edtja bååstide båetedh,
jielije jïh åemie almetjidie dööpmedh.
Mijjieh aejlies Voejkenasse aaj jaehkebe,
gærhkoen aejlies ektievoetese,
aejlies almetji tjåanghkenæmman, sådtoej luejhtiemasse, åedtjien tjuedtjielæmman jïh ihkuve jieliemasse.