Ett litet träkors och tre ljusstakar med tända ljus står på ett altare.
Foto: Johannes Frandsen /Ikon

Sakramännta l ájlis dahko

Gávnnuji tjavgga båttå viessomin. Gávnnuji aj tjavgga båttå girkkolanján. Máhttá årrot gå soames gástaduvvá jali gå skallo juogeduvvá - dalloj dáhpaduvvá juoga sierralágásj. Rámáttevsta lågåduvvi råhkålvissan. Dálásj ájgge aktiduvvá majna Jesus javlaj akti.

Mij dáhpáduvvá gástadusán ja skalon dáhpaduvvá danen gå Jesus la javllam dat galggá dáhpáduvvat. Le enap gå mujtto. Le oallevuohta. Tjáhtje, vijnna ja lájbbe álu gávnnu gå ulmutja tjåhkani, valla dánna oadtju dá oahpes ihtanisá sierralágásj tjielgadusáv.

Gástadus ja skallo li ájlis dago, da li sakramenta. Martin Luther tjuoldij dajt ietjá ájlis dagojs, danen gå gástadusán ja skalon la aktavuohta juosik mav Jesus la javllam, juoga mij la vuododum sujsta.

Dá dágo li oalle materialalattjas - tjáhtje, lájbbe ja vijnna - mij aktit dagov jáhtoj Jesusis. Jáhtojn li aktisattjat gå giehttu mij máhttep dårvustallat Jubmela gieresvuohtaj, juska vil mij dáhpáduvvá. Jubmel ij hiejte.