So honkar angleske hilpran niga tùgalo?
Nani manusch nasht hòftara asha solo an siros tùgalo. Dojgla kammar Svedoa kangaria khedalat pherepa ta nisani savo kerr kava lokkir gla vorsnus savo manuschar te asjas kori gla nàntis savo tùgar. Tùgalo nast tji sastas, abba preal te kotana dova nast tùgalon ovela ikeripad, Nisanin honkar basirimot pre Svedoa kangarians làngstrot phirnipe attjer te trissa ta hilpra tùgande tasavo jeck angleske hilpran, gla doa angleske tjiron, karne mulon asterelar. Sass tùgalot honkar jikkhutnota kava asjas tji hortepa ire sarkeriperte ismarela. Dojgla honkar bùttar opotto anangla trissetphat ninna vavras tùgalo. Ninna dolle akata nisanin hutelas Svedoa kangarian nasta hasting to te búttar nasht prinja siros tecknot rahatiar ta hòrtare aravelat, sav te nani mukhelas solo an siros tùgalo.
