Vittnesmål om rasbiologin – nordsamiska

Báhppa bálvváinis rokkai hávddiid
okta nálledutki gáibidii oaiveskálžžu 
sámi njuoratmánás
bastilis dearri sirrii oaivvi 
gáldnan máná rupmašis 
 
bearaš moraštii máná 
árpmus hávdádeamis 
eadni ja áhčči eaba diehtán 
ahte báhppa sivdnidii sudno máná 
oaivvi haga impida ávdugasvuhtii
 
Eadni okto álás bálluin 
vilges liinni ovdas govviduvvo 
ovdabeali  duohkebeali  olgeš ja gurut beali
ja dat baldonas nálledutki ruovdemihttu 
dego njuolla oaivvi čađa 
 
85 jaga maŋil Uppsala Carolina Rediviva gealláris 
mon gávdnan din 
eatnán  bearrašan  álbmogan 
nálledutki 20-logi sierra mihtuis ja alas govais 
Eadni 8 jahggasas 
máná riebutii oktage lean doppe suddjeme din 
gohkesoaivvagiit veahkaváldimis 
 
Mu Sámi Biibbalis logan
Hearrá, gi oažžu boahtit du goahtái 
gii beassá ássat du bassi váris? 
 
Dat gii lea rehálaš 
ja dahká dan mii lea riekta 
gean váibmu lea vuoigat ja ságat duođat. 
 
Mon lean boahtan dá stuora bassi goahtái 
min máddariigu geat ánuhit fas beasat hávddit ráfai