Pa khangerako alojipe

Information om kyrkovalet på romani lovari

Slobodoj te des chiro glaso kathar o 6 september zji kaj o dzjes e alojimasko o 19 september. Kana des chiro glaso keres effekto pe so e khangeri site kerel lukalnje, regionalje aj nationalje. Sosa atchares tu ke e Svenska kyrkan site kerel butchi? Chiro glaso si vazno!

E Svenska kyrkan si e maj bari patchamaski organizatsija ando Swedo peske 5,8 milijonentsa medlemontsa. O kristianitsko grundo znatchi jek engazemango ande sako manushesko vartoscht aj ande jek aktivno naturaki aj klimatoski butchi. Jako medlemo des tutar kaj o phanglipe, kaj e losh, kaj o profundo aj kontexto tuke aj kavrenge, na primer kana si bolimata, abava, kaver khangerake butcha, phutherdi przedskola, shavorenge aj ternjimatonge aktivitetura, hurkura aj kontsertura.

Zjutis te inkras amari kulturaki historija, e budinkura aj lengi historia, e traditsija,  san amentsa aj zjutis la khangeraki sotcialno butchi  manushentsa kaske phares i, kaj jek dzenej aj ande brigaj.

Kade shaj des chiro glaso

De chiro glaso po alomasko dzjes 19 september ande chiro alomasko lukalo

Chiro alomasko lukalo aj phuterdeske tjasora thordzjol pe alomaski kartja. Le Sama! Ferik po alomasko dzjes shaj des chiro glaso ande alomasko lukalo. Le tusa chiro ID aj mishtoj te lesa tusa e alomaski kartja.

De chiro glaso de anglal


Slobodoj de des chiro glaso de anglal de khatar o 6 september zji kaj o alomasko dzjes 19 september. Intregi glasura kaj den andre ande lukalora kaj shaj des chiro glaso de anglal,  bushon lukalora te des chiro glaso de anglal, vi te desa chiro glaso po alomasko dzjes. Arakes intregi platsura aj phutherdeske tjasora pe svenskakyrkan.se/kyrkoval. Trubusares te les tusa e kartja alomaski aj chiri identitatsija.

Bishav chiro glaso lilesa

De des chiro glaso bishado ando lil trubuj tu jek lilesko alomasko paketo. Kado shaj anes tuke kathar o församling vaj pastor expedatsija. Ando paketo si informatsija sar site keres de bishaves chiro glaso ando lil. Lilesko glaso site bishaves ot te resel ande institutsija na maj puzjno sar 17 september (15 september te san ando kaver them).

Te del chiro glaso varikon kaver

Te shaj del chiro glaso varikon kaver trubuj tu jek lilesko alomasko paketo. Kado shaj anes tuke kathar o församling vaj pastor expedatsija. Ando paketo si informatsija sar site keres kana varikon kaver site del chiro glaso. Kodo manush ingrel chiro glaso ande jek alomasko lukalo vaj ande jek lukalo kaj des chiro glaso de anglal kaj nalezi kaj chiro församlingo.

Te san ande thema po alomasko dzjes

Tu kaj san skirime ando Swedo ale san ande thema tela o alojipe slobodoj te bishaves chiro glaso ando lil.De des chiro glaso bishado ando lil trubuj tu jek lilesko alomasko paketo. Kado shaj anes tuke kathar o församling vaj pastor expedatsija, vaj ande jek themutno församlingo. Tena naj tusa chiri alomaski kartja shaj zamuvis jek nevi. Atunchi bishavas la ando kodo themutno församlingo kas si tuke maj pashe. Chiro lilesko glaso trubuj te resel amende na maj puzjno sar 15 september.

Mang zjutipe te na dzjanes sar

Mishtoj te dzjanes ke intregi manush kaj keren butchi ande alomaske lukalora aj ande lukalora kaj des chiro glaso de anglal si le sekretesso.

Chiro glaso del effekto sar te inkerdzjol e Svenska kyrkan

Ando khangerako alojipe shaj des chiro glaso ande trin alojimata.

Alojipe kaj o kyrkofullmäktige - lukalnje

O kyrkofullmäktige shol tele so dzjal ande khangeraki butchi kaj si pasha tu, ando chiro församlingo. Kado shaj avel desitsija te len andre inke jeke diakonos kaj shaj kerel butchi e phurentsa aj nasvalentsa, vaj chi site phutren jek przedskola ando församlingo vaj te investulnin ande jek kavjarnja kaj shitjaren chiba aj zjutin flyktingon.

Parne alomaske papiroshura.

Alojipe kaj o stiftsfullmäktige - regionalnje

E Svenska kyrkan si uladi ande 13 institutsiji. Stiftsfullmäktige si kaj lel desitsiji. Ando regionalno stiftnivå les desitsiji pa bidragura pe renovatsiji khangerenge, kordinatsija po zjutipe pe na primer kaj shaj dzjan manush kaj naj le khera jivende, zjutipe manushenge kaj si le funktionalni pharimata, zjutipe flyktingonge aj pe integratsija, klimatoske zjutimata aj inke maj but.

Ruzovi alomaske papiroshura.

Alojipe kaj o kyrkomötet - nationalno

O kyrkomötet si ande Svenska kyrkan o maj baro instanso kaj lel desitsiji, si les 251 deligatura. Po nationelno nivå len bare desitiji kaj effektuli intrego Svenska kyrkan. Jek kasavo exemplo si na primer che psamlura site aven ande psalmongi kevnja.

 Galbeni alomaske papiroshuri.

Nominatsijake grupi aj kandidatura

Kodol grupi kaj shon pe po alojipe ando khangerako alojipe bushon nominatsijake grupi. Kado si pravje sar e partjiji ando normalno themesko alope.

Tu biris te des chiro glaso pe trin kandidatora, te keres kryss pe lenge anava po alomasko papiroshi. Chire kryss bararen e kandidatengi chansa te ashen alome aj te reprezulin tut. Te na shosa kryss ashela chiro glaso pe nominatstijaki grupa.

Maj buten sar 5 milijonon si pravo te den pesko glaso

Ande khangerako alope 2021 si 5 milijonon medlemon pravo te den pesko glaso. Pravo te des chiro glaso si kodoles kaj maj tele 16 bershengoj po alomasko dzjes aj si medlemo ande Svenska kyrkan. Musaj vi te aves skirime ando Swedo.

E alomaski kartja

E alomaski kartja si jek vazno dokumento. Kothe si informatsija pa chiro alomasko lukalo aj kaj shaj dzjas de anglal te mukhes chiro glaso. Trubuj te avel tusa e alomaski kartja te dzjasa te des chiro glaso de anglal. Trubuj vi te biris te sikaves chiri identitatsija. Te dzjasa te des chiro glaso ande jek alomasko lukalo dosta avla te avel tusa chiri alomaski kartja.

E alomaski kartja bishavas pe chiro adresso kaj san skirime aj site resel tute na maj puzjno sar 1 september.

Zamuvin nevi alomaski kartja

Te hasardan e alomaski kartja shaj les nevi (dubbletto anda alomaski kartja). Le kontakto chire församlingosa aj zamuvin tuke jek nevi kartja alomaski. Shaj zamuvis vi po svenskakyrkan.se/kyrkoval. E nevi alomaski kartja

bishavas po chiro adresso kaj san skirime.

Alomasko rezultato

Kana e alomaske lukalora aj e thana kaj shaj des chiro glaso de anglal phandade 19 september kizdin te ginaven e glasura. E glasura registrulisaras digitalnje aj o ginajipe biris te dikhes po svenskakyrkan.se/kyrkoval.

Las sama pe corona ande khangerako alojipe

E Svenska kyrkan kamel ke savore kon kamen te den pesko glaso , site birin te keren kado bi darako. Amari alomaski deligatsija inkerdas dialogo kethane kusa Folkhälsomyndigheten aj shute sakodol rekomendatsiji sar so inkeras tela tavasi 2021 ke kam avla e coronapandemia sakasavi, kana avla o alope ando september. Kado si ke na primer ande lukalora ande save avla o alope avla than te shjon opre plastikovi glazi, spirto vastesko aj zurale instruktiji kodolenge kaj avlie te den pesko glaso. 

Te unikalis riziko po pherdzjipe aj te aven za but manush pashe pasha jek jekeste:

●        Mistoj te des chiro glaso de anglal. E lukalora te des chiro glaso de anglal phutren 6 september aj avna phuterde zji kaj o 19 september.

●        Bishav cjiro glaso lilesa. Kado shaj keres ferik so lan chiri alomaski kartja. Na bister ke te bishadan chiro glaso lilesa site resel amende na maj puzjno sar 17 september. Liliesko alomasko paketo si ando församling aj pastoreski expedidatsija.

●        Te si tu problemo te reses ando alomasko lukalo vaj ando  lukalo kaj des chiro glaso de anglal slobodoj tuke te des chiro glaso kavre manushesa. Atunchi trubuj tu jek lilesko glasosko paketo.Liliesko alomasko paketo si ande församling aj pastoroski expedidatsija.

●        Ande alomaske lukalora aj lukalora kaj des chiro glaso de anglal den informatsija sar te unikalis te aves kothe kaj za but manush si. Inker e instruktsiji aj de patchiv.

O alomasko service phutrel 30 augusti aj shaj vorbis lende på telefono : 010-18 19 400. De angla kodo shaj vorbis kaj e Svenska kyrkans växel po 018-16 95 00.

Maj but pa sar te des chiro glaso lilesa aj kavre manushesha

Kodo kon kamel shaj bishavel pesko glaso ando lil vaj te bishavel les kavre manushesa. Te keres kado trubuj tu lilesko glasosko paketo. Tu vaj varikon kaver slobodoj te anel tuke anda jek församling vaj pastor expedidatsija. Shaj vi zamuvis les te vorbis kaj alojimasko service: 010-18 19 400 de kathar 30 augusti.De angla kodo shaj vorbis kaj e Svenska kyrkans växel po 018-16 95 00.

Ando lilesko glasosko paketo si alomaske papiroshura aj koperti pe sako alope, jek koperta po lilesko glaso aj te des chiro glaso varikasa kavresa aj inke jek bari koperta, te kamesa te bishaves chiro glaso. Andre si vi informatsija sar site keres te des chiro glaso lilesa aj de bishaves chiro glaso kavre manushesa.

Kade site keres kana bishaves chiro glaso ando lil aj vi kavre manushesa:

  • Tena naj tu e nominatsijaki grupkako alomasko papiroshi slobodoj te skiris  e nominatsijako grupkako anav pe jek uzo alomasko papiroshi.
  • Shos jek alomasko papiroshi pe sako alope (parno alomasko papiroshi pe kyrkofullmäktige, ruzovo alomasko papiroshi po stiftsfullmäktige, galbeno alomasko papiroshi po kyrkomötet) ande jek alomaski koperta aj phandaves la.
  • Angla duj shvjatkura shos e phandadi alomaski koperta ande kaver koperta pe lilesko aj kana bishaves varikasa chiro glaso alojipe (K4) kaj si ando lilesko glasosko paketo. Phandav e koperta.
  • Pe koperta po lilesko vaj kana bishaves chiro glaso varikasa kavresa (K4) skiris chiro person numero aj chiro potpiso sar jek gvarantsija ke tu dan chiro glaso kade sar trubuj.
  • Pe sakodi koperta  pe lilesko aj te bishaves chiro glaso kavresa (K4) skirin vi e duj shvjatkura peske potpisura ke gvarantulin ke dikle sar skirisardan tu chiro anav pe koperta. E svjatkura site aven 18 bershenge vaj maj phure.


De desa chiro glaso varikasa kavresa site les kakal pasura:

  • Kodo manush saves bishadan site ingrel e koperta (K4) ande alomasko lukalo vaj ande lukalo kaj des chiro glaso de anglal. E alomaski kartja musaj te avel lesa te dzjala ande je lukalo kaj des chiro glaso de anglal, ale mishtoj te avel lesa vi te dzjala ande jek alomasko lukalo.
  • Kodo manush kaj ingrel chiro glaso site skiri pesko anav, person numero aj pesko adresso, vof peske potpisosa gvarantuli ke tu skirisajlan tele pe koperta. Kodo manush kaj ingrel chiro glaso site biri te sikavel legitimatsija aj site pherdzjilas 18 bershengo.

Te site bishaves chiro glaso lilesa site les kakal pasura pala kodo ke skirisardan chiro anav pe koperta kaj si pe lielesko aj kana bishaves chiro glaso kavresa, aj dikle duj svjatkura aj vi von skirisarde peske anava:

  • Shuv e koperta (K4) ande jek koperta pe lilesko glaso aj  glasoski kartja (K5) kethane e glasoske kartjasa.
  • Le Sama! Shuv andre e glasoski kartja kade te ditchol o adresso kaj o stiftsyrelsen ande tchachi felastritsa pe koperta aj e kaver dzjelura pa alomasko nämnd, alomasko distrikto aj chiro numero ditchol ande stungo felastritsa pe koperta.
  • Bishav o lil. Chi trubuj te shos znatchko.

Le Sama! Bishav o lil te resel na maj puzjno sar 17 september.

Maj but informatsija

O Alomasko service phutrel 30 augusti aj shaj vorbis lende po numero 010-18 19 400. Angla kode shaj kontaktulis Svenska kyrkan växel po numero: 018-16 95 00. Shaj vi bishaves email kaj kyrkoval@svenskakyrkan.se