Daennie båeries saemien gaavnedimmiesijjesne dïhte voestes gærhkoe lij 1700-mieresne tseegkesovveme. 1800-mieresne dellie laedtieh daan dajvese böötin orrijidh. Faepmie sjiehteles sijjie dovne saemide jïh laedtide gaavnedidh, dan åvteste gærhkoe desnie. Gærhkoen gïetskesisnie gåetieh tseagkoejin jïh aaj dimperegåetieh bigkiejin. Faepmesne gogkoe kultuvrh pleentesovveme, destie sjïere aajmoe. Daaletje tïjjen annje destie aavoedieh.
Jeatjebh leah aaj Faepmesne gaavnedamme – åesiestæjjah jïh åestijeh, tuvristh jïh dajven åålmege, stoere-nierieh jïh sïejhme almetjh, nyjjsenæjjah garmanæjjah…
Åvtesne gujht göökth Faepmesne heevehtin – ruffien askesne dellie sjeltie jih sjiehteles Faepmesne gaavnedidh juktie saemieh gïjrelaantese baartan juhtin. Sjeltien mænngan edtjin saemide bæjjese vaaran juhtedh gogkoe giesegen årrodh. Gaekeren dle Faepmien sjaltan vihth vöölkin, åvtelen tjaktjelaantese.
Daelie gulmh Faepmesne gaavnedieh: Voestegh dle Jovnesåhkoe, Gaskehïelje snaltjen gåalmede hïelje jïh Tjaktjehïelje mietsken minngielisnie.
Giesegen dle sjiehtelåbpoe laedtide Faapman båetedh. Gïjregen jïh tjaktjegen gelkin daelviedogkesh skåårvedh, guktie bïerkenidh abpe dan guhkies jïh garres daelvien. Dannasinie Gaskehïelje sjïdti. Dellie aaj skælloeh.
Daelie Faepmesne medtie 80 gåetieh jïh 20 dimperegåetieh. Gellie gåetieh vueliebielien, jïh dah dimperegåetieh lïhkebe gaedtiebielieb.
Buerie båeteme Faepmesne gaavnedidh datne aaj!
.jpg?doprocessing=&ci=0,10,483,290&ra=1.6&w=500)
.jpg?doprocessing=&ci=0,0,483,290&ra=1.6&w=500)
