Voja tuke te des chiro glaso kathar o 6 september zji kaj o alomasko dzjes 19 september. Kana des chiro glaso keres effekto pe so e kangeri site kerel lukalnje, regionalnje aj nationalnje. Sosa atjares tu ke e Svenska kyrkan site kerel butchi? Chiro glaso si importanto!
E Svenska kyrkan si e maj bari patchamaski organizatsija ando Swedo peske 5,8 milijonontsa medlemuri. O kristianitsko fundo thordzjol ande jek engazemango ande svako manushesko dzinajimos aj ande jek aktivno naturaki aj klimatoski butchi. Sar medlemo des tutar kaj o phanglimos, kaj e losh, kaj o profundo aj kontexto tuke aj kavre manushenge, po exemplo kana si bolimata, abjava, kaver kangerake buthja, phuterdi przedskola, shavorrenge aj ternjimatonge aktivitetura, hurkura aj kontsertura.
Azjutis te inkeras amari kulturaki historija, e budinkura taj lengi historia, e traditsija, san amentsa aj azjutis la kangeraki sotcialno butchi manushentsa kaske phares si , kaj si jek dzjene aj ando zalo le.
Kadja shaj des chiro glaso
De chiro glaso po alojimasko dzjes 19 september ando chiro alojimasko lukalo
Chiro alojimasko lukalo aj putherdeske tjasura ramolpe pe alojimaski kartka. Le Sama! Numa po alojimasko dzjes voja te des chiro glaso ande alojimasko lukalo. Le tusa chiro ID aj mishto si te les tusa vi e alojimaski kartka.
De chiro glaso de anglal
Voja te des chiro glaso de anglal de kathar o 6 september zji kaj o alojimasko dzjes 19 september. Intregi glasura kaj den andre ande lukalora kaj voja te des chiro glaso de anglal, bushon lukalora te des chiro glaso de anglal, vi te desa chiro glaso po alojimasko dzjes. Arakes intregi platsura aj putherdeske tjasura pe svenskakyrkan.se/kyrkoval. Trubul te les tusa e alomaski kartka aj chiri identitatsija.
Trade chiro glaso lilesa
Te trades chiro glaso lilesa trubul tu jek lilesko alojimasko paketo. Kado shaj anes tuke kathar o församling vaj pastor expedatsija. Ando paketo si informatsija sar site keres te trades chiro glaso lilesa. Lilesko glaso musaj te trades te shaj resel kaj e institutsija naj maj puzno sar 17 september (15 september te san ande jek kaver them).
Trade chiro glaso varikasa
Te shaj trades chiro glaso varikasa trubul tu jek lilesko alojimasko paketo. Kado shaj anes tuke kathar o församling vaj pastor expedatsija. Ando paketo si informatsija sar site keres kana kames te trades chiro glaso varikasa. Kodo manush site mukhel chiro glaso ande jek alojimasko lukalo vaj ande jek lukalo kaj voja te des chiro glaso de anglal kaj nalezi kaj chiro församlingo.
Te san ande jek kaver them po alojimasko dzjes
Tu kaj san ramome ando Swedo numa san ande jek kaver them tela o alojimos voja te trades chiro glaso ando lil. Te trades chiro glaso ando lil trubul tu jek lilesko alojimasko paketo. Kodo shaj anes tuke kathar o församling vaj pastor expedatsija, vaj anda jek themutno församling. Tena naj tusa chiri alojimaski kartka voja te zamuvis tuke jek nevi. Atunchi tradas la tuke ande kodo themutno församlingo kaj si tuke maj pashe. Chiro lilesko glaso trubul te resel amende na maj puzjno sar 15 september.
Mang azjutjimos tena dzjanes sar
Mishto si te dzjanes ke sa e manush kaj keren butchi ande alojimaske lukalora aj e lukalora kaj des chiro glaso de anglal si le sekretesso.
Chiro glaso del effekto sar te inkerdzjol e Svenska Kyrkan
Ande kangerako alojimos shaj des chiro glaso ande trin alojimata.
Alojimos kaj o kyrkofullmäktige - lukalnje
O kyrkofullmäktige thol tele kodo so dzjalpe ande kangeraki butchi kaj si pasha tu, ando chiro församlingo. Kado shaj avel desitsija te len andre inke jeke diakonos kaj shaj kerel butchi le purhensta aj nasvalentsa, vaj te site puthren jek przedskola ando församlingo vaj te investulin ande jek kafanava kaj shitjaren shiba aj azjutin flyktingon.
Parne alojimaske hirtiji.
Alojimos kaj o stiftsfullmäktige - regionalje
E Svenska kyrkan si uladi ande 13 institutsiji. O stiftsfullmäktige si kaj lel desitsiji. Po regionalno nivå les desitsiji pa bidragura pe kangerange renovatsiji, kordinatsija po azjutjimos pe po exemplo kaj te dzjan le manush kaj naj le khera jivende,azjutjimos manushenge kaj si le funktionalnji pharimata, azjutjimos flyktingonge aj pe integratsija, klimatoske azjutimata aj inke maj but.
Ruzovi alojimaske hirtiji.
Alojimos kaj o kyrkomötet - nationalnje
O kyrkomötet si ande Svenska kyrkan o maj baro instanso kaj lel desitsiji, si les 251 deligatura. Pe nationalno nivå len bare desitiji kaj den effekto pe intrego Svenska kyrkan. Jek kasavo exemplo si soske psalmura site aven ande psalmongi knishka.
Galbeni alojimaske hirtiji.
Nominatsijake grupi aj kandidatura
Kodola grupi kaj thon pe ande kangerako alojimos bushon nominatsijake grupi. Von si sar e partjiji sar ande themesko alojimos.
Tuke voja te des chiro glaso pe trin kandidaturi,te thos kryss pe lenge anava pe alojimaske lila. Chire kryss zuraren e kanditatonge chansa te ashen alome aj te reprezulin tut. Tena thosa kryss ashela chiro glaso pe nominatsijaki grupa.
Maj buten sar 5 milivonon si pravo te den pesko glaso
Ande kangerako alojimos 2021 si 5 milivonon medlemon pravo te den pesko glaso. Pravo te des chiro glaso si kodoles kaj maj tele si 16 bershengo po alojimasko dzjes aj si medlemo ande Svenska kyrkan. Musaj vi te aves ramome ando Swedo.
E alomaski kartka
E alomaski kartka si jek importanto dokumento. Kothe si informatsija pa alomasko lukalo aj kaj voja te dzjas aj te mukhes chiro glaso de anglal. Trubul te avel tusa e alomaski kartka te dzjasa te mukhes chiro glaso de anglal. Trubul vi te biris te sikaves chiri identitatsija. Te dzjasa te des chiro glaso ande jek alomasko lukalo dosta avela te sikaves e alomaski kartka.
E alomaski kartka tradas tuke pe chiro adresso kaj san ramome aj site resel tute na maj puzjno sar 1 september.
Zamuvin nevi alomaski kartka
Te hasardan e alomaski kartka shaj manges nevi (dubletto anda alomaski kartka). Le kontakto chire församlingosa aj zamuvin tuke jek nevi kartka alomaski. Shaj zamuvis po svenskakyrkan.se/kyrkoval E nevi alomaski kartka tradas po chiro adresso kaj san ramome.
Alomasko rezultato
Kana e alomaske lukalora aj thana kaj voja te des chiro glaso de anglal pandade 19 september len pe te dzjinen e glasura. E glasura registrulisaras digitalnje aj o dzjinajipe biris te dikhes po svenskakyrkan.se/kyrkoval.
Las sama pe corona ande kangerako alojimos
E Svenska kyrkan kamel ke savorre kon kamen te den pesko glaso site birin te keren kado bi darako. Amari alomaski deligatsija inkerdas dialogo kusa Folkhälsomyndigheten aj thode tele sakasave rekomendatsiji sar so inkeras tela izvoro 2021 ke kam avela e corona pandemia sakasavi, kana avela o alojimos ando september. Kado si ke po exemplo avela than te thon ople plastikovi glazi, spirto vastesko aj zurale instruktsiji kodolenge kaj avile te den pesko glaso.
Te uniklisaras riziko po pherdzjimos aj te na aven za but manush pashe pasha jek jekeste:
● Mishto si te des chiro glaso de anglal. E lukalora kaj shaj des chiro glaso de anglal phutren 6 september aj avena phuterde zji kaj o 19 september.
● Trade chiro glaso lilesa. Kado voja te keres ferik so lan chiri alomaski kartka. Na bister ke te tradan chiro glaso lilesa site aresel amende na maj puzjno sar 17 september. Lilesko alojimasko paketo si ando församling aj pastoreski expedatsija.
● Te situ problemo te areses kaj o alojimasko lukalo vaj ando lukalo kaj des chiro glaso de anglal shaj trades chiro glaso kavre manushesa. Atunchi trubul tu jek lilesko alojimasko paketo. Lilesko alojimasko paketo si ando församling aj pastoreski expedatsija.
● Ande alojimaske lukalora aj ande lukalora kaj des chiro glaso de anglal den informatsija sar te les sama te na aves kothe kaj si pra but manush. Inker e instruktsiji aj de patchiv.
O alojimasko service phutrel 30 augusti aj shaj mares po numero: 010 18 19 400. De angla kodo shaj mares kaj o Svenska kyrkans växel po 018-16 95 00.
Maj but pa sar te trades chiro glaso lilesa aj kavre manushesa
Kodo kon kamel voja te tradel pesko glaso lilesa vaj te tradel pesko glaso kavre manushesa. Te keres kado trubul tu jek lilesko alojimasko paketo. Kado shaj tu vaj varikon kaver te anel tuke anda jek församlings vaj pastor expedatsija. Voja vi te zamuvis les, shaj mares kaj o alojimasko service: 010-18 19 400 de kathar 30 augusti. De angla kodo shaj mares kaj o Svenska kyrkans växel 018-16 95 00.
Ando lilesko alojimasko paketo si alojimaske lila aj koperti pe sako alojimos, jek koperta pe lilesko glaso aj kana trades chiro glaso kavre manushesa aj inke jek bari koperta, te kamesa te trades chiro glaso. Andre si vi informatsija sar site keres te trades chiro glaso lilesa aj sar te trades les kavre manushesa.
Kadja site keres kana trades chiro glaso lilesa aj vi kavre manushesa:
- Tena naj tu e nominatsijaki grupkako alojimasko lil voja te ramos o anav pe la nominatsijaki grupa pe jek vuzo alomasko lil.
- Thos jek alomasko lil pe svako alojimos (parno alojimasko lil po kyrkofullmäktige, ruzovo alojimasko lil po stiftsfullmäktige, galbeno alojimasko lil po kyrkomötet) ande jek alojimaski koperta aj phandaves la.
- Angla duj shvjatkura thos e phandadi alojimaski koperta ande koperta kaj situ po lilesko alojimos aj kana trades varikaso chiro glaso (K4) kaj si ando lilesko glasosko paketo. Phandav e koperta.
- Pe koperta pe lilesko vaj kana trades varikasa chiro glaso (K4) ramos chiro person numero aj chiro potpiso sar jek gvarantsija ke dan chiro glaso kadja sar trubul.
- Pe sakodja koperta po lilesko aj kana trades kavresa chiro glaso (K4) ramon e duj shvjatkura peske potpisura ke gvarantulin ke dikle sar ramosardan chiro anav pe koperta. E shvjatukra site aven 18 bershenge vaj maj phure.
D tradesa chiro glaso varikasa kavresa site les kakala pasura:
- Kodo manush kaj tradan site ingerel e koperta (K4) ando alojimasko lukalo vaj ando lukalo kaj des chiro glaso de anglal. E alojimaski kartka musaj te avel lesa te dzjala ande jek lukalo kaj des chiro glaso de anglal, numa mishto si te avla lesa vi te dzjala ande jek alojimasko lukalo.
- Kodo manush kaj ingerel chiro glaso site ramol pesko anav, pesko person numero aj pesko adresso, vo peske potpisosa gvarantulil ke tu ramosajlan pe koperta.
- Kodo manush kaj ingerel chiro glaso site biril te sikavel legimatsija aj site pherdzjilas 18 bershengo.
Te site trades chiro glaso ando lil site les kakala pasura kana ramosardan chiro anav pe koperta pe kana tradesa chiro glaso lilesa vaj tradesa les kavre manushesa aj dikhle duj shvjatkura avi von ramosarde penge anava:
- Tho e koperta (K4) ande jek koperta pe lilesko glaso aj e alomaski kartka (K5) kusa chiri alojimaski kartkasa.
- Le Sama! Tho andre e alojimaski kartka kadja te ditchol o adresso kaj o stiftsstyrelsen ande thachi felastritsa pe koperta aj e kaver dzjeli pa alomasko nämnd, alomasko distrikto aj chiro numero te ditchol ande stungo felastritsa pe koperta.
- Trade o lil. Chi trubul znatchko te thos.
Le Sama! Trade o lil te resel na maj puzjno sar 17 september.
Maj but informatsija
O alojimasko service phutrel 30 augusti aj shaj mares lende po numero 010-18 19 400. Angla kodo shaj kontaktulis o Svenska kyrkans växel po numero: 018-16 95 00. Shaj vi trades email kaj kyrkoval@svenska kyrkan.se