Meänkieli

Jäsenyys

Ruottin kirkola on lähelä seittemän miljoonaa jäsentä. Joka vuosi on majuriteetti niistä mukana jossaki kirkon yhteyvessä. Se saattaa olla siinä pienessä kuorossa maaseuula, rippikoululeirilä eli keräyksessä Ruottin kirkon kansainvälisen tuki- ja kehitystyössä.

Näin kirkko saattaa tueta sinua

Ruottin kirkon sosiaalinen työ kuttuthaan tiakoniiksi. Tehtävä on ette osanottamisen, respektin ja keskinhäisen solitaarisuuen kautta kohata ihmisiä vaikeissa elämäntilantheissa.

Kaste

Pieni lapsi on tullu mailmhaan. Sitä met haluama juhlia teän kansa – tervetuloa kastajaishiin!

Vihkiminen

Häät on juhlat. Muisto elämäksi. Ei aivan niile jokka menevät naimishiin, mutta kans sukulaisile ja kaverile.

Rippikoulutus

Rippikoulutus on yks tarjous sulle, joka olet elämän uutelias ja haluat tietää enemän kristinuskosta ja mitä se saattaa merkitä sulle.

Kuolemantaphaus ja hautajaiset

Se ei ole hoppua. Lähimäisenä sitä on useasti sjokissa kun tullee kuolemantaphaus. Sitä haluaa tehhä jotakin, paikala. Eli sitä tullee aivan toimenta kyvyttömäksi. Ylheinen neuvo on ette oottaa suunitteluitten kansa. On aikaa rauhottua ja asettua.

Ensiapu surussa (Meänkieli)

Käytänölisiä neuoja jokka helpottava ko tarttee olla jonku tykönä jolla oon suru.