Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 95 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Sáme girkkobiejve 2017


Buorre boahtem Sáme girkkobiejvijda Árvvehávren 16-18 biejvij biehtsemánon 2017! Ásadus tjoahkki tjuohte nárijt ulmutjijt badjel buolvvarájij, sámijt ja láttijt Svierigis, Suomas, Vuonas ja Russlándas

Sáme girkkobiejvijn  la sáme girkkoiellem guovdon, jubmeldievnoj, ságastallamij, lågådallamij ja iellemåsij. Njuolgadusá, iesjmierredibme, nanos åvddånahttem Arktisin, såbadim ja åvddånahttemjoarkka sáme girkkoiellemis li oase ma båhti giehtadaláduvvat. Oajvveoasse dán bále le "Iellema ája – Iellema tjátje". 

Lågå ienebuv Prográmma Sáme girkkobiejvijda 2017
Lågå ienebuv Ávkálasj diedo
Diededa ietjat dási.

Gå Svieriga girkko la ásadiddje sáme girkkobiejvijda 2017 dáhpáduvvá dat Árviesjávrrie/Arviesjávren, gassko Sáme Ubbmem-sáme guovlo mij guoddá ålov vuovddesáme iellema vuoges. Ájgge la tjårggå mierredum luondulasj äládusáj diehti, skåvllåjage ja sáme skallolåhkåmtjåhkanimij ma li manon Sáme miehtáj.

"Iellema ÁJA – Iellema TJÁHTJE"

Danen dujna l viessoma ája, duv tjuovgajn vuojnnep tjuovgav.

Sálmajgirjje (Psaltare) 36:9

Sáme girkkobiejvijn  la sáme girkkoiellem guovdon, jubmeldievnoj, ságastallamij, lågådallamij ja iellemåsij. Njuolgadusá, iesjmierredibme, nanos åvddånahttem Arktisin, såbadim ja åvddånahttemjoarkka sáme girkkoiellemis li oase ma båhti giehtadaláduvvat. Oajvveoasse dán bále le "Iellema ája – Iellema tjáhtje". 

Tjátje le luondulattjat álu adnám stuor oasev sáme viessomin, årudagá gárveduvvin ájabällájda jali ietjá viessotjátjij guorraj. Tjátjevallje lij ájnas viessoma diehti ja biebbmovuorkkán. Iellema ádjaga tjáhtje la aj åvddåmärkkan risstalasj jáhkkuj.   

ULMME SÁME GIRKKOBIEJVIJ

  • nanostuhttet, ådåstuhttet ja mielastuhttet sáme girkkoiellemav rijkarájij badjel
  • åvdåjbuktet vuojŋŋanisá, teolåvgålasj ja dájddár boanndudagáv sáme girkkoiellemin 
  • nanostuhttet sámegielajt ja anov girkkoiellemin 
  • årrot äjvvalimsaddje gájkka áhkásasj ulmutjijda berustahtek girkkogullevasjvuodas
  • årrot mielos sáme nuorajda ja ássat dádjadimev sámij ja lattij gaskan.

Sáme girkkobiejvve ásaduvvi juok nälját jage ja la akta dajs ájnnasamos äjvvalimsajijs sáme girkkoiellemin. Dat la nuppát bálle gå ásaduvvá Svierigin.  Sáme girkkobiejvve li åvdebut ásadum Jåhkåmåhken (2004), Anárin, Suoman (2009) ja Mo i Ranan, Vuonan (2013). Nuppádis ásaduvvá Svierigin 2017. 

Prosjäktajådediddje la Mariann Lörstrand.

Sáme girkkobiejvve li alkohåvlådis- vuoladahtes ja dálkodis ásadus. 

AKTISASJBARGGO RISTAGIS GIRKKOJ GASKAN

Ásadiddje Sáme girkkobiejvijda 2017 la Sámeráde Svieriga girkkon, Sáme girkkoráde vuona girkkon, Uleåborga stifta Evangelisk-lutherska girkkon Suoman, Árviesjávre tjoaggulvisán, Julevu stifta, Aktisasjráde ristagis girkkoj Barents guovlon (SKKB).