Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 96 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Saemien Sveerjen gärhkosne

Fierhten gärhkoeåålmege Sveerjen gärhkosne muana åålmegetjïelkestimmesne tjaalasovveme guktie vuesehte gaavhtan saemienvuekesne barkedh.


Vielie bïevnesh dan jerkien bïjre jaepien 2012 govlehtallh Birgitta Simma  Julevu/Luleå stift: 0920-49 24 58.

Skyllemejerkie saemide
Fïerhten jaepien Svïenske gærhkoe saemien skyllemejerkiem öörnede, dam dorje Saemien raerien, Svïenske gærhkosne, Saemien referensedåehkien Härnösanden jïh Julevu/Luleå gærhkoevoeni jïh Sáminuorran ektine.

Barkoedåehkie stiftine
Luvleån, Härnösanden jïh Stuehkien stiftine  leah barkoedåehkieh gärhkoen saemien barkose.  Aaj Västeråsen jïh Göteborgen stiftine leah saemien gärhkoejieleme biejjie-öörnegisnie. Stifth jïh gärhkoe-åålmegh maehtieh saemien barkoen bïjre bieljielidh.

Jeatjah vihkeles laavenjassh raaran lea maahtoem stueriedidh saemiej jïh Sápmien bïjre jïh barkedh saemieh åadtjoeh meatan årrodh gärhkoenåårganine, naasjovne daltesne, stiftine jïh gärhkoe-åålmeginie.

Jarkoestimmieh leah vihkeles saemien barkosne
Saemien gïele, smaaregigujmie, maadtoem  jïh kultuvrem guadta. Dannasinie bijbelen tjaalegh saemiengïelese  jarkoestidh vihkeles barkoe saemien gärhkoeraaran, seamma goh saalmh, gyrhkeles gärjah jarkoestidh j.j.v. Daelie lea Sveerjen-Nöörjen ektiebarkoe gïehteleminie bijbeletjaalegh åarjelsaemien gïelese jarkoestidh. Dah tjaalegh mah jïjnje åtnasåvva gyrhkesjimmine. Dovne jarkoesteminie jïh vuartasjiminie guktie  noerhtesaemien saalmegärjam buektiehtidh.

Gärhkoen barkoe sjïere åårganisasjovne guktie saemiej gujmie jïh saemien gïeligujmie barkedh . Saemien gärhkoeraerie tseegkesovvi 1996  dïhte lea driekte Gärhkoeståvroen nuelesne. Raerien åejvie-ulmie lea saemien maadtoem jïh kultuvrem dåarjedidh. Ulmie lea aaj saemieh edtjieh meatan årrodh gärhkoesne jïh siebredahkesne. Raerie naasjovne daltesen nelnie barka.

Saemien gyrhkesjimmiem earoehtidh
Sveerjen gärhkosne saemieh gyrhkesjieh sijjen gïelesne jïh joekedehtieh sijjen dååjrehtsh guktie lea unnebelåhkojne jïh aalkoealmetjinie årrodh. Gyrhkesjimmide, darjomesojkesjämman jïh nännoestämman saemieh jijtse kultuvren jïh jïelemedååjrehtsi bijre joekedieh mah leah vihkeles.
Naemhtie aaj saemieh  meatan gärhkoem tseegkedh mij soptseste mij lea reakta jïh rïektesvoete.

Mij lea orreme saemiej jïh Sveerjen gärhkoen gaskem lea guhkies soptstsese - dan båeries jaahkoste dan jaahkose mij lea Jupmielasse,  dïedtehtimmie  mij lij siebredahkeste jïh gärhkoste  dan raajan goh gärhkoe mij daenbien säjhta saemide laavenjostedh. Gärhkoe säjhta saemieh,  saemien kultuvrem jïh saemien gïelide bäjjoehtidh

Saemiej leah sjïere jïh vihkeles dååjrehtsh mah maehtieh joekedidh gärhkoen barkose jïh teologijese, jïh dovne siebredahkese. Saemien gïelh hov akte dehtie gärhkoen gïelijste, läjhkan daerpies saemien gïeli åtnoe öövtiedidh gyrhkesjimmien gaavhtan jïh aaj jeatja darjoemasse.

Gellie jaepine joe gärhkoen barkosne vihkeles öövtiedidh guktie saemien gïeliejgujmie barkedh jïh guktie saemien vuekiem gärhkoen jaahkose jïh jieliemasse ektiedidh.