Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 96 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Riikkaidgaskasaš bargu

Jođánis roassoveahkki, guhkálaš ovdáneapmi, rahčamuš vuoiggalašvuođa ovdii ja eanet go čuohtejahkásaš ovttasbargu girkuiguin Afrihkás ja Asias. Ná sáhttá čilget Ruoŧa girku riikkaidgaskasaš barggu Olles máilbmi.


Girkočállingottis Uppsalas planejit ruhtačoaggimiid, álbmotskuvlejumiid ja váikkuhanbargguid. Doppe mearridit makkár prošeavttaid máilmmis Ruoŧa girku riikkaidgaskasaš bargu Olles máilbmi galgá doarjut ruđalaččat dehe barggu bakte.

Vearrivuođat fertejit jávkat
Doarjja lea dehálaš, muhto dat ii čoavdde visot váttisvuođaid. Vearrivuođat mat bissehit olbmuid eallit árvvolaččat fertejit jávkat. Seammás go visot olbmot gálget sáhttit birget dál, de fertejit máilmmi luonddoriggodagat bistit boahtte buolvvaide.
 
Olles máilbmi, Ruoŧa girku doarju báikkálaš girkuid ja organisašuvnnaid Europas, Afrihkás, Asias, Latin-Amerihkás ja Gaskanuorttas ovttasbargguin riikkaidgaskasaš girkolaš fierpmádagain. Dat lea beaktilis bargovuohki oažžut bistevaš rievdadusa.

Stuorit oassi barggus ruhtaduvvo ruđaiguin mat čoggojuvvojit Ruoŧas. Skeaŋkkat searvegottiin, ovttaskas addiin ja servviin bisuhit buori muddui barggu vuoiggaleappot máilmmi ovdii. Sida ja EO juolludeamit leat iežá dehálaš sisaboađut.
 
Ruoŧa girku searvegottit leat vuođđun riikkaidgaskasaš bargui. Dat juhket dieđuid, oahpahit ja čogget ruđaid, omd kolleavttaiguin, báikkálaš márkaniiguin ja doaluiguin gávpogiin.

Skeaŋkkat ovttaskas olbmuin leat dehálaččat
Dán bargui gullo oaččuhit biepmu ja čázi juohkehažžii, báikegoddeovdáneami, teologalaš oahpu, mikroloanaid ja seastima ja maid soabadeami ja aktavuođa oskkuid gaskkas. Dasa gullo maid rahčat vuoiggalašvuođa ovdii, omd vuoiggalaš gávppašeami, roassodoaimmaid, olmmošlaš vuoigatvuođaid ja nissonjođiheami.

Olles máilbmi, Ruoŧa girku riikkaidgaskasaš bargu, lea badjel čuođi jagi ovttasbargu girkuiguin Afrihkás ja Asias. Odne bargá ollesmáilmmi viidosaš risttalaš aktavuohta oaččuhit vuoiggalaš máilmmi mas ii leat nealgi, geafivuohta ii ge vealaheapmi. ACT-aktavuohta gávdno olles máilmmis. Juohke sajis barget olbmot eallimeaset váikkuhemiin ja rievdademiin.

Lea oassi riikkaidgaskasaš barggus go geafes nissonolmmoš oažžu ovttasvástádusa luoikat ruđa ja buoridit veagas eallima. Seammá lea go hiv’ain njommon olbmo dehe aids-skihpasa fuolain váldet vuostá eai ge hilggo su. Dehe go olbmot ságastallet soabadeami birra dan sadjái go guoddit vaši, ja riiddut molsašuvvet verddevuohtan.

ACT-aktavuohta

Olles máilbmi, Ruoŧa girku riikkaidgaskasaš bargu, lea oassi ACT-aktavuođas mii lea roassodoaimmaide, ovdánemiide ja váikkuhemiide globálalaš ovttasbargu girkuid ja organisašuvnnaid gaskka.
ACT-aktavuođas leat eanet go 100 miellahtogirku ja miellahtosearvvi, 30 000 bargi mat barget 125 riikkas ja ollislaš bušeahtta mas lea vástideaddji 11 miljárda ruvnno.

ACT-aktavuođa ruovttosiidui (eŋgelašgillii)

Atte skeaŋkka vuoiggalaš máilmmi várás!

Min plusgiro- ja bankgironummárat
Plusgironummár:
90 01 22-3
Bankgironummár:
900-1223
Máksin olgoriikkas: IBAN: SE32 9500 0099 6042 0900 1223