Prata med oss

Kontakt

Svenska kyrkan Besöksadress: Sysslomansgatan 4, Uppsala Telefon: 018-16 96 00 E-post till Svenska kyrkan

Jourhavande präst

Kyrkan kan hjälpa dig. Akut samtals- och krisstöd.

Till innehållet

Programme Saemiej gærhkoebiejjide 2017

”Jielemen gaaltije- jielemen tjaetsie” lea aamhtese saemiej gærhkoebiejjide 2017. Buerie båeteme skreejrehtimmie tjåanghkojde jaevrien lïhke Aerviesjaevresne.


Programmesne lea gyrhkesjimmieh, seminaarh, paneldigkiedimmieh, workshops, konserth, laavlometjåanghkoeh, vætnoemaarhna jïh maana- jïh noereprogrammh. Aktem sjïere programme ajve saemiej noeride ruffien 15-18 biejjide öörnien.

Programme dan bïjre tjuavkede: aalkoealmetjireaktah, måhtadimmiegyhtjelassh, jïh aaj ahte vihkeles koloniaale aerpine orrijidh jïh daerpiesvoetem akten saetnieskommisjovneste. Klimateværhtoedimmiej  konsekvensh aalkoealmetjidie Arktisisnie digkiedibie jïh aaj vuelien ulmie saemien gærhkoejieliemisnie.

Bearjadahke Ruffien 16 biejjien

Saemiej gærhkoebiejjieh aalka tsåahka 13.00 bearjadahke ruffien 16 biejjien akten ekumeniske aamhteseböönine gusnie liturgijem Karl Yngve Bergkåseste noerhtesaemiengïelesne lijrehten. Ärkebiskope Antje Jackelén edtja preejhkedh.

Programme jåerhkien akten paneeledigkiedimmine saetnieskommisjovnen jïh saemiej reaktaj bïjre jïh gærhkoen sijjie aktemieresne. Parallelle aaj seminariume dan bïjre lea guktie saemienvoete böönejieliemisnie vuesehten, workshop guktie noere gærhkosne årrodh jïh aaj filmevuesiehtimmiem "Sameblod".

Iehkeden böörien salmeståantetjidie saemien salmelaavloevuekiej mietie, prïhtjhgåetie jïh konserth Sara Ajnnakine jïh Jörgen Stenbergine (naaken dejstie artistijste mah upmejesaemiengïelem nuhtjijægan goh scenegïele jïh dajven vuekieh vaarjeligan.

Laavadahke Ruffien 17 biejjien

Laavadahke aalka akten ortodokse aejliesmaalestahkegyrhkesjimmine mij Rauno Pietarinen darjoen ovmessie gïeligujmie Aerviesjaevrien tjaebpies gærhkosne. Programmem laavadahken böörie panelesaakestimmiem vuelien bïjre jïh böönejielemen bïjre, filmevuesiehtimmieh filmijste Spárrooabban” jïh ”Sameblod”, seminariume skuvlemojhtesi bïjre, teatereworkshope maanide, lohkehtallemh tjiehpiedæjjijste saemien gærhkoetjeahpoen bïjre, laavkomegyrhkesjimmiem mij Erva Niittyvuopio darjoen, panelesaakestimmie ”Mij heannede mijjen jïeligujmie Arktisisnie?”, workshop saemien vuekieh jaememen bïjre, seminariume ”Normh tsööpkedh”.

Iehkedsgyrhkesjimmiem, salmeboelhke, prïhtjhgåetie jïh konserte Johan Kitti jïh Anna Mareten ensembline (Johan Kitti orre cd-tjåanghkojne noerhtesaemiengïelesne olkese båata).

Aejlege ruffien 18 biejjien

Aejlege aalka panelesaakestimmine ” Nænnoes kultuvre jïh reaktam tjaatsan”, seamma aejkesne Bijpelesällskapet vuesehte noerhtesaemien jïh luvliesaemien barkoem bijpelejarkoestimmiejgujmie jïh aaj aktem fuelhkiedarjomh ålkone lea. Biejjide orrijieh aktem gyrhkesjimmine jïh aejliesmaalestahkine mah Birgitta Simmeste jïh Einar Bondevikeste darjoen.

Programme lea naemhtie ahte gåarede boelhkem gaavnedh gusnie ektine lidie kaeffiekåahpen lïhke, tjaebpies vætnoem maarhnesne åestede, vuesiehtimmide mïnnede saemien gærhkoetjeahpoen bïjre jïh aaj åenehks tuvrh darjoen vuesiehtimmiejgujmie daaroengïelesne jïh englaanten gïelesne vihkeles saemiej dajvi gåajkoe gyrhkesjimmiejieliemisnie, Saemien-sijhtese jïh Båeries gærhkoesæjjan. Maanah jïh noerh edtjieh nuepiem utnedh jïjtse darjomidie.

Programmem gusnie jienebh tjåådtje mænngan båata.