Man i nordsamisk dräkt står i vintrigt landskap.

Vittnesmål om nomadskolan – nordsamiska

Nils-Henrik Sikku berättar.

Badjel čuohti jagi leat gollan dan rájis go internáhttaskuvla nomádaide ása-huvvui. Skuvla beare dakkár mánáide mat elle nomádaeallima. Nils-Henrik Sikku leai okta sis. Čiežajahkásažžan álggii su mátkki.

Olbmážan, mus lea miella jearralit juoidá dus: Got don veaját dál? Oainnátgo doaivaga čuovgga guovssogeažis? Vai vuordá go gatnjaliid geaidnu ain vel du? Dat geaidnu maid leat guorran nu máŋgii, dat guhkes lossa ahkitvuođa muittuiguin. Gieldu čierrut áibbašeami gatnjaliid, gieldu ohcat jeđđehusa idjaseavdnjadasas. Olbmážan. Livččiigo buoret jos duođa livččet ožžon diehtit bággejuvvon loahpahis mátkki birra? Du friddja miella rivvojuvvon, leahkit nu got ieš juo leat. Veardiduvvon árvvohit gealbbohis nomádan. 

Du sáddejedje amas galbmalunddot váldegoddái. Got don oainnát dan dál, olbmá žan? Mii galggaimet bissut mehciin ja duoddariin, guhkkin eret iežáin. Dat galggai leahkit min boahtte áigi, agálaččat. Iežamet fásta orohahkii ja eananbinnái ii lean lohpi. Min eallinvuogis ii lean árvu. Mii oahpaimet čállit ja lohkat amas gillii. Biibbala stávet, sálmmaid veaisidit ja gonagasaid rievvumiid, olggul máhttit. Min vedde internáhtain, gos jearga galggai derpot sisa. Min borahedje amas vieruiguin árbemáhtu sadjái. Mii gáržžiduvvuimet, biinniduvvuimet, jávohuhttuimet. Sámi eanan galggai uhkidemiin ja Ipmila sivdnádusain jávistuvvot ollát. Min doaimmat ja eksisteansa gullui dušše ávdin eatna-miidda. 

Mii eat lean šat sápmelaččat, beare nomádat ja láppárat. Fargga leimmet ollát jávkan. Friddja rievvut buot maid luondu addán midjiide leai. Eat mii dan dihtege vuollánan. Vuostálasttiimet buot fámuiguin soardi-deaddji galbma gieđaid vuostá. Nu lea. Rátnážan. Jáhkán doaivaga čuovgga ihtit guovssogeažis!

Läs vittnesmålet på svenska

Man i nordsamisk dräkt står i vintrigt landskap.

Vittnesmål om nomadskolan

I sitt vittnesmål berättar Nils-Henrik Sikku om nomadskolan.