Datne maahtah gïelem vedtedh skïereden 6:n biejjeste, veeljemebeajjan skïereden 19. Biejjesne. Gosse gïelem vadta datne tsavtsa mejnie gærhkoe edtja byjreskisnie, regionaalesne jïh nasjonellesne barkedh. Mejnie datne tuhtjh gærhkoe edtja barkedh? Dov gïele vihkeles!
Svïenske gærhkoe lea Sveerjen stööremes jaahkoesiebriedahke, gusnie 5,8 millijovnh lïhtsegh. Kristeles maadtoe lea ïedtjem gaajhkh almetji vyörtegs jïh vyörtegsvoetide, eadtjalgehteme byjrese jïh klijmabarkoe. Goh lïhtsege datne vadtah ektievoete, aavoe, goerehtimmie jïh gaskesem dutnjien jïh jeatjah almetjigujmie, vuesiehtimmien gaavhtan laavkomisnie, provresehïejesne, jeatjah gyrhkesjimmesne, gaahpode aarhskuvlesne, maana- jïh noeredarjoemisnie,laavloemisnie jïh konsertisnie.
Datne aaj meatan ihke vaarjelidh mijjen ektievoeten kultuvreaerpie, goh ståapoeh jïh vuekieh, jïh aaj dåarjoeh gærhkoen sosiaale barkoeh, almetjidie ålkolen, mah oktegh jïh sårkosne.
Naemhtie maahtah gïelem vedtedh
Gïelem veeljeme biejjesne vedtedh, skïereden 19 biejjien dov veeljemegåetesne
Dov veeljemegåetie jïh gaahpoebaelieh veeljemekåarhtesne tjåådtje. GÏEHTJH! Datne maahtah ajve veeljemegåetesne veeljemebiejjesne gïelem vedtedh. Vaeltieh meatan legitimasjovne jïh aaj veeljemekåarhtem.
Åvtelbodti tjaatsestidh
Datne maahtah åvtelbodti tjaatsestidh skïereden 6.n biejjeste gosk veeljemebeajjan skïereden 19.n beajjan. Gaajhkide gïelide mah åvtebodti-tjaatsestimmiegåetine laehpien, gåhtjoen åvtebodti-gïelh, læjhkan gosse tjaatsestimmiem sjædta veeljemebiejjesne. Datne gaajhkh sijjieh jïh gaahpoebaelieh daesnie gaavnh: svenska kyrkan.se/kyrkoval. Datne daarpesjh veeljemekåarhte jïh legitimasjovne meatan vaeltedh.
Prievine tjaatsestidh
Ihke prievien tjïrrh tjaatsestidh datne daarpesjh akte prievieveeljemepaagke. Paagkem maahtah gærhkoeåålmege- jallh hearraekspedisjovneste veedtjedh. Desnie gååvnese bïevnesh guktie edtjh darjodh ihke prievien tjïrrh gïelem vedtedh. Prievietjaatsestimmiem daarpesjh seedtedh gosk stiftese båata minngemes skïereden 17.n biejjien (skïereden 15.n biejjien jis ålkoelaanteste gïelem vadtah).
Dïjreguedtiejinie tjaatsestidh
Ihke dïjreguedtiejinie tjaatsestidh datne akte prievieveeljemepaagkem daarpesjh. Paagkem maahtah gærhkoeåålmege- jallh hearraekspedisjovneste veedtjedh. Paagkesne bïevnesh gååvnese guktie datne edtjh darjodh ihke dïjreguedtiejinie tjaatsestidh. Dïjreguedtije dov gïelem laahpa akten veeljemegåetesne jallh åvtebodti-tjaatsestimmiegåetesne mij gællesje dov gærhkoeåålmegisnie jallh pastoratesne gusnie datne meatan.
Jis datne ålkoelaantesne veeljemebiejjesne
Datne mij gærhkoetjaalasovveme Sveerjesne mohte leah ålkoelaantesne veeljemebiejjesne maahtah prievine tjaatsestidh. Ihke prievien tjïrrh tjaatsestidh datne daarpesjh akte prievieveeljemepaagke. Paagkem maahtah veedtjedh jallh dongkedh dov hearra- jallh gærhkoeåålmege-ekspedisjovneste, jallh akten ålkoelaanten gærhkoeåålmegisnie. Jis ih datne veeljemekåarhtem meatan åtnah maahtah orre dongkedh. Dam seedtien ålkoelaantegærhkoeåålmegasse mij dov lïhkes. Dov prievietjaatsestimmie tjuara gærhkoeståvrosne årrodh minngemes skïereden 15.n biejjien.
Gihtjh viehkien mietie jis daerpies
Hijven daejredh juktie gaajhkide mah veeljemegåetie jïh åvtebodti-veeljemegåetide barkeminie, tjeakoesdïedtem utnieh.
Gosse tjaatsesth dle tsavtsah guktie Svïenske gærhkoem stuvredh
Gærhkoeveeljemisnie maahtah golme veeljeminie tjaatsestidh
Veeljeme gærhkoefaamehkasse – byjreske
Gærhkoefaamohke mieriej bïjre nænnoste dan darjomen gaavhtan mij dov lïhke, dov gærhkoeåålmegisnie jïh dov pastoraatesne. Maahta nænnoestimmien bïjre årrodh, juktie akte vielie diakovne edtja barkoem åadtjodh ihke voeres- jïh skïemtjealmetjigujmie barkedh, gaahpode aarhskuvlem gærhkoeåålmegisnie aelkedh, gïeleprïhtjhgåetiem öörnedh jïh mentovrebarkoen bïjre baataræjjide.
Veelkes veeljemesïetelh.
Veeljeme stiftefaamohkasse -regionaale
Svïenske gærhkoen leah 13 stifth. Stiftefaamohkasse lea stiften mieriedimmie orgaane. Regionaale stifte daltesisnie nænnoestimmiem vaeltien dåarjegi bïjre juktie dåvvome gærhkojste, ovmessie dåarjegh vuesiehtimmien gaavhtan gåetieluhpieh daelvege, dåarjegh funksjovneunniedimmide, viehkiem baataræjjide jïh integrasjovnese, klijmabarkose jïh dle vijriebasse.
Jovjerööpses veeljemesïetelh.
Veeljeme gærhkoetjåanghkose - nasjonelle
Gærhkoetjåanghkoe lea Svïenske gærhkoen jollemes nænnoestimmie orgaane 251 lïhtsegigujmie. Nasjonelle daltesisnie mierede nænnoestimmieh mah abpe gærhkoem tsevtsieh. Akte vuesiehtimmie lea magkerh salmh edtjieh salmegærjesne meatan årrodh.
Viskes veeljemesïetelh
Nomineringedåehkieh jïh kandidaath
Dah dåehkieh mah meatan gærhkoeveeljemisnie gåhtjoen nomineringedåehkieh. Dah leah goh krirrieh sïejhme veeljemisnie.
Datne maahtah golme kandidaatide tjaatsestimmiem vedtedh juktie kroessem dej sijjide bïejh veeljemesïetelisnie. Dah kroessh kandidaatide stuerebe nuepiem vedtieh veeljemisnie sjïdtedh jïh dov uvte barkedh. Jis ih naan kroessh bïejh lea nomineringedåehkie mij dov gïelem åådtje.
Medtie 5 millijovnh tjaatsestimmiereaktoe utnieh
Gærhkoeveeljemisnie 2021 medtie 5 millijovnh lïhtsegh tjaatsestimmiereaktoe utnieh. Tjaatsestimmiereaktoe dïhte åtna mij unnemes 16 jaepien båeries minngemes veeljemebiejjesne jïh lïhtsege Svïenske gærhkosne. Datne daarpesjh aaj Sveerjesne tjaalasovvemisnie årrodh.
Veeljemekåarhte
Veeljemekåarhte lea vierhtiepaehpere. Desnie bïevnesh dov veeljemegåetien bïjre jïh gusnie datne maahtah åvtelbodti tjaatsestidh. Datne daarpesjh veeljemekåarhtem meatan vaeltedh jis datne åvtelbodti tjaatsesth. Datne aaj daarpesjh legitimasjovnem vuesiehtidh. Jis datne dov veeljemegåetesne tjaatsesth datne ajve daarpesjh legitimasjovnem meatan vaeltedh.
Veeljeme kåarhte dov tjaalesæjjan seedtien jïh edtja dutnjan båetedh minngemes skïereden 1.s biejjien.
Orre veeljemekåarhte dongkedh
Jis datne veeljemekåarhtem dasseme, maahtah orre åadtjodh(gohtjesåvva jieniedehtemeveeljemekåarhte). Ihke orre veeljemekåarhtem dongkedh, bïeljelh dov gærhkoeåålmege. Datne maahtah aaj daesnie dongkedh: svenskakyrkan.se/kyrkoval. Orre veeljemekåarhtem dov tjaalesæjjan seedtien.
Veeljemeilleldihkie
Gosse veeljemegåetieh jïh åvtelbodti tjaatsestimmiem steegkien, skïereden 19.n biejjien aelkieh gïelide ryöknedh. Gïelide digitaalesne registreeren jïh ryöknemem gåarede gaskeviermesne dåeriedidh: svenskakyrkan.se/kyrkoval.
Coronavihties gærhkoeveeljeme
Svïenske gærhkoe tjabreminie juktie gaajhkide mah sijhtieh tjaatsestidh edtjieh buektiehtidh gïelem coronavihties vedtedh. Ikteraerie Almetjehealsoebyjjesfaamojne lea veeljemeorganisasjovnem dan gaavhtan ussjedamme, juktie coronapandemije maahta seammalaakan veeljemisnie årrodh, skïereden 19.n biejjien goh gïjrege 2021. Naemhtie juktie gåetieh gusnie veeljeme, edtjieh ryöjredidh gosk gååvnese plexiklaash, gïetesprïjhth jïh bïevnesh almetjidie mah edtjieh tjaatsestidh.
Ihke gervedh suetiem heesedh jïh traagkanimmie:
- Åvtelbodti tjaatsesth badth. Åvtelbodti-tjaatsestimmiegåetieh rïhpestieh skïerede 6.n biejjien jïh gaahpode gosk 19.n beajjan.
- Tjaatsesth prievien tjirrh. Datne maahtah joe gïelem vedtedh gosse veeljemekåarhtem åådtjeme. Mujhtieh prievietjaatsestimmie tjuara jaksedh minngemes skïerede 17.n biejjien. Prievieveeljemepaagke gååvnese gærhkoeåålmege- jïh hearraekspedisjovnesne.
- Jis datne dåeriesmoerh åtnah veeljemegåatan jallh åvtelbodti tjaatsestimmiegåatan båetedh, datne maahtah dïjreguedtiejinie tjaatsestidh. Dellie akte prievieveeljemepaagkem daarpesjh. Prievieveeljemepaagkem gååvnese gærhkoeåålmege- jïh hearraekspedisjovnesne.
- Veeljeme jïh åvtebodti-tjaatsestimmiegåetine bïevnesh vedtien guktie datne edtjh traagkanimmeste geehtedh. Dåeredh bïevnesidie jïh mojhteleslaakan årroeh.
Veeljeme-servise rïhpeste mïetske 30.n biejjien jïh telefovnesne jaksh: 010-1819400. Dan åvtelen datne maahtah Svïenske gærhkoen vikselen tjïrrh ringkedh: 018-169500.
Jienebh tjaatsestimmien bïjre prievien tjirrh jïh dïjreguedtijen tjïrrh
Dïhte mij sæjhta, maahta prievien tjirrh jïh dïjreguedtiejinie gïelem vedtedh. Ihke dam darjodh datne daarpesjh akte prievieveeljemepaagke. Datne maahtah, jallh akte jeatjah maahta paagkem veedtjedh gærhkoeåålmege- jallh hearraekspedisjovnesne. Datne maahtah aaj paagkem dongkedh veeljemeservisesne: 010-18 19 400, mïetsken 30.n biejjeste. Dan åvtelen datne maahtah Svïenske gærhkoen viksele ringkedh: 018-169500.
Prievieveeljemepaagkesne gååvnese veeljemesïetelh jïh kuverth fïerhtene veeljemasse, akte kuverth preavan jïh dïjretjaatsestæmman jïh akte ålkoekuverte dejtie mah sijhtieh prievien tjirrh gïelem vedtedh. Paagkesne aaj bïevnesh gååvnese guktie darjodh gosse prievien tjirrh tjaatsestidh jïh dïjretjaatsestimmien bïjre.
Naemhtie darjoeh gosse prievien tjirrh tjaatsestidh jïh dïjreguedtiejinie.
- Jis ih nomineringedåehkien veeljemesïetele utnieh, datne maahtah nomineringedåehkien nomme skuallah veeljemesïetelisnie tjaeledh.
- Datne akte veeljemesïetele bïejh fïerhtene veeljemasse (veelkes veeljemesïetele gærhkoefaamohkasse, jovjerööpses veeljemesïetele stiftefaamohkasse, viskes veeljemesïetele gærhkoetjåanghkose) akten veeljemekuvertese jïh njimkehth.
- Göökte væhnajgujmie datne bïejh veeljemekuvertem mij joe njimkehtamme, kuvertese prievie- jïh dïjretjaatsestæmman (K4) mij gååvnese prievieveeljemepaagkesne. Njimkehth jïh steegkh kuvertem.
- Kuvertesne prievie- jïh dïjretjaatsestæmman (K4) datne dov almetjenummere jïh dov nommen tjaalah goh tjirkeme juktie datne veeljemem eensilaakan dorjeme
- Seamma kuvertesne prievie- jïh dïjretjaatsestæmman (K4) dejtie göökte væhnide nommide tjaelieh ihke tjirkemem vedtieh juktie datnem vuajneme kuvertesne tjaaleme. Væhnide tjuerieh 18 jaepien båeries årrodh jallh båeriesåbpoe.
Jis datne edtjh dïjreguedtiejinie tjaatsestidh edtjh naemhtie darjodh:
- Dïjreguedtije meatan kuvertem (K4) vaalta. Veeljemekåarhte tjuara meatan vaeltedh jis tjaatsestimmie akte åvtebodti-tjaatsestimmiegåatan laehpien, mohte hijven aaj meatan vaeltedh jis dov veeljemegåatesne laehpien.
- Dïjreguedtije dov prievietjaatsestimmiem laahpa jïh altese nommem tjaala, almetjenummere jïh tjaalesijjie jïh minngemes altese nommine tjaala juktie datne tjirkemem tjaaleme kuvertesne. Dïjreguedtije edtja legitimasjovnem vuesiehtidh jïh unnemes 18 jaepien båeries illeme.
Edtjh datne prievien tjirrh gïelem vedtedh edtjh datne daejtie sïllide dåeriedidh dan mænngan datne kuvertesne tjaaleme prievie- jïh dïjretjaatsestæmman, væhnide lïhke orreme jïh dejtie nommide tjaaleme:
- Bïejh kuverte (K4) akte kuvertese prievietjaatsestæmman jïh veeljemekåarhte (K5) dov tjaatsestimmiekåarhtine.
- Gïehtjh! Bïejh veeljemekåarhte juktie tjaalesijjie don stifteståvrose vuesehten åelkies klaasesne kuvertesne. Bïevnesh veeljememoenehtsen bïjre, veeljemedajve jïh dov nummere, tjaatsestimmielæstosne vååjnoen gårroehklaasesne kuvertesne.
- Seedth prieviem. Porto ij leah daerpies.
GIEHTJH! Seedth prieviem gosk jaksa minngemes skïereden 17.n biejjien
Jienebh bïevnesh
Veeljemeservise rïhpeste mïetsken 30.n biejjien jïh jaksen telefovnesne: 010-1819400. Dan åvtelen datne maahtah Svïenske gærhkoen viksele jaksedh telefovnesne: 018-169500. Datne maahtah aaj e-påastem seedtedh: kyrkoval@svenskakyrkan.se