Acufoye bazabne d`corona

I naqla ha ahl aw habro ko menqel ma hayani ko lozamlan dletmina, lbujoo u mehzonina cam hdode. Elo me fothe du virus d´corona cabirina b´aykanoyutho dilonoyto dkojebro demhalkhina cal tadbire lashan demkamlina cufoyo – bnisho d´maklina u berbozo du kewano dlo tofe lgher noshe.

Hani dketlen mshalutho da cufoye bu Swed gemcawni aqariwe demhadri iqwarto dhuyo ham shaferto u hamste bsukolo u bcayni zabnoste dkumlo bemshalutho kamelto buzabnano dkito pamdemi d`corona. Bi kthawtathe kito fushoqo bu fulhono aydarbo ko komel u men qonune kito buzabnano. 

Manyo mshalo cala fulhone dacufoye bu Swed?

Bu Swed imshalutho da fulhone da cufoye knushyotho di cito Swedoyto wimdabronutho da citotho u bcayni zabno ste i  karkhutho d´Stockholm u Tranås yo. Hano dketyo mshalo calu fulhono du cufoyo ko meqre qnumorishoyo (huvudman). Bi mshalutho du qnumorishoyo kito a nuqzani dlaltah dmisomi magon lashan u mitho:

  • duktho du qawro aw bduktho gawonotýto da qawre lmethho d`25 eshne,
  • qwarto cam ftoho du qawro, skhoro u cedolo du qawro diftih,
  • unkolo, mu zabno du qnumorishoyo dmedle i mshalutho di shlade du mitho hul dkemlo i qwarto, istisna inaqla dhowe  nkolo li duktho di qwartho dkofaysho larwal mi duktho duqnumorishoyo wida layto awyutho hreto lashan beth qbure dilonoye,
  • tewqido,
  • duktho lu nturyo di  shlado dmihzoyo,
  • duktho  lashan u  bujoo  du cufoyo dlaybe remze tawdithonoye.

Hawkhaste u qnumorishoyo ko lozem demdaber qawre diloneye la qnume dlatne masre bheymonutho mshihoyto dketyo cayit  li idareyde  aw bduktho dketyo qaruvto  alle. 

A qnumerishoye (icito Swedoyto wikarkhutho d`Stockholm u d´Tranås) ketlen wolitho kenshoyto demdabri teshmeshto di qwarto lkulnosho dkohoye bu Swed. I wolithathe  konunoytoyo bunomuso du Swed. A qnumerishoye ko mjaqri da bnaynosho kothen me mardwotho mshahlfe da tawdyotho, u hawkhaste a qnume dilonoye kiben dhowelen talabe mshahlfe bi sbutho da cufoyathe. A qnumerishoye gsaymi u mede dqudri lashan demkamli a talabe da qariwe dkebci dsaymi  i qwartho  du ahlathe bzabno karyo.

A qnumerishoye lo ko tucni mshalutho demdabri  dukotho  u medone lashan a tekse tawdithonoye meqem mi qwarto, mathlo (teshigho du mitho) u medone budumyano. Tekse hawkha gmihadri mi knushto du mitho dketyo masro eba.

U ahl gemhader u cufoyo 

U ahl du mitho gemhader u gemdaber u cufoyo. Ida u mitho hadomoyo bi cito Swedoyto, bu cyodo u ahl gemtaksi i slutho du cufoyo camu kohno di cito degsaymi u cufoyo. Ida u mitho hadomoyo bmardutho dtawditho hreto mathlo: cito katoliqoyto, , bi judoyto, bi mashelmonoyto,  budist, hindu, i naqlayo u ahl gemtakes u cufoyo bether ma esore degsaymi cam amshale di knushtathe. Kitoste mkono ha demhader cufoyo dlatyo tawdithonoyo (cufoyo mdinoyo).

Ida layto ahl aw ida nosho lo kobec dmoyed mshalutho du cufoyo, ko nofel wolitho cali karkhutho dsaymo u medano. Dlo furshono be man ko mhader u  cufoyo, u talab du mitho bcufoyo bu tabut aw bjuqdono awste cufoyo bu qabro ko lozem dmiyaqer vmidaber en kito mkono.

U mitho ko lozem dmitawqed aw dmitahet bu qawro

Adyawma kito tre darbone du cufoyo bu Swed. Ya qworo  (gravsättning)  du mitho bazno dmitmir bu cafro awste tawqido  (kremering)   du mitho u bether qwarto du qatmo du mitho. U ahl du mitho gmoyed fusqono be ayna darbo ha dmestacmel.

Muhimyo u mede dfoyesh mu mitho dmitawqed aw ste dmeqwer bzabno karyo. U zabno  yarikho mu yawmo du mawto hol uyawmo du tawqido aw ste di qwarto buzjudo yarhoyo. En kito sababe dilonoye i Shultonutho di Madatho kiba demshawhro u tawqido wiqwartho. U qatmo dkofoyesh mu mitho ko lozem dmeqwer bzabno dshato bether mu yawmo dmawqed u mitho. U farsufo rishoyo dketyo mshalo cali qwarto kettle zedqo demshawher iqwarto du qatmo du mitho.

Konune diloneye bi fayutho d´COVID-19 

U zabno di qwarto

Kito hen mammore da mithe kebci dmaklen i qwarto mu sabab du virus d`corona. Elo lfuth a qonune di qwarto ko lozem u mitho cal zabno karyo – u bu zoyudo bmethho d`yarho bether  medmayeth- dmitawqed aw dmeqwer.

Kito sababe hrene lashan dlomishawro i qwarto. I qwarto falqoyo mu mashqlo du hasho wa nesyune ko mahwen i naqla ha dsoyem i qwarto u hasho du ahl ko noqes. Bcayni zabno kitoste qento dnofeq qetre ha dmakle u faghro du mitho i naqla ha demshawher i qwarto.

Camathe kula ida u ahl kobec dmishawhro i qwarto lzabno bether i naqlayo kibe demnaqe u darbo du tawqido du mitho meqem mazuyohe di qwarto. B´aykanoyutho hawkha kibukh dnutret li qwarto lmethho dshato wazuyohe di qwarto ha kibe dsoyamlen bquduro mehlof u tabut.

Ha  dsoyem u bujoo  bether

Ha men kibe dsoyem i naqla dlomidaber cufoye lfuth a talabe dkonutri a qariwe du mitho? I naqlayo ha kibe dhoze darbo u demcazem u ahl dletmi lzabno bether, khud  bujoo , u harke farsufe sagiye kiben dhudri. U harke ha kibe demhaderste bujoo, slutho aw zuyoho mede kulha lfuth i mardutho tawdithonoyto dketle.

Slutho du cufoyo u bujoo

U ahl du mitho qoyathle mcadronutho demtakes slutho du cufoyo/zuyoho du bujoo cam mathloneme di knushto dketyo cayet ela. Ba zabnani du virus d`corona tawoyo lha dodec kmo medone matadbire meqem ha dsoyem plan. U ahl qariwo more du hasho ko lozem demshawer bammathlone di  knushto be  aydarbo ha kibe demkamel u cufoyo bazno m`amno  u lashan a qariwe dketle.

I slutho du cufoyo wu  dukhrono du bujoo da knushyotho  ko mehshowi dukyotho gawonoye du ltomo du camo (allmän sammankomst) wishultonutho medla fusqono dmahto thumo lashan a qnume dletmi badukyothani – bu zyudo 20 qnume dhowen-. Awste kiban dimmina ha miqqa dqoder dmaltem qnume eshmo.   

Hani dhudri bi slutho du cufoyo ko lozem

  • idothaye dhowen mashighe,
  • dlowale  isharat du kewo.
  • Dlo loqen behdode, akh  hdonou vdoben  ido lehdode. 
  • Meftakarste du yerwo  di duktho ko meshtace dawro be kmo qnume ha kibe demcazem li slutho du cufoyo/ dukhrorno du bujoo.

Enkan demnaqet di slutho du cufoyo dmisomo larval ko lozem di dukthayoste d`obo mkono la meshtawtfone kulle dfayshi rahuqe mehdode lfuth a tadbire dkito. Lfuth a tawsiyat di Shultonutho du Hulmono nosho dketyo bu qento awste nosho dketle isharat du kewo lo kolozem dhoder bu cufoyo.

Dukhrono trisoith bether mu cufojo.

Basimoyo ha dlotem l`dukhrono trisoith bether mu cufojo lashan ha dmahwe awjutho cama qariwe wa hawrone. Elo lashan ha dmakle u tfoyo du kewo dkomibarbez, badukyotho du dukhrono ste a tawsiyat di shultonutho u di Shultonutho du Hulmono dlo keshlo  ko lozem ha demhalekh aclaye. A dayfe ko lozem dtoren masafe bayn hdode, idothaye dhowen mashighe u dlo loqen behdode. Ko lozem ha dmeftaker bu mukloste dhowe rizo cal atebloyotho lashan dlowe ciqutho si teblitho du fothuro. 

Darbone hrene lashan i slutho du cufoyo

Bi numasabe d`covid-19 tawyo ha dmeftaker bdarbone hrene du cufoyo awste  du dukhrono. Hani kmo darbonene ha dmeftaker ebaye:

  • Mcazem a dayfe lefroso hayo aw lfilmo di qwarto degmisawer. Ida dtelbat me ha ma hadire demsawer, hawkha kebkhu dfersutule alu darbo da dafe knushyoye aw bdarbone hrene digitaloye. Awste bether kebkhu   dimsahmitu u filmo.
  • Ucdo sumu cufoyo zcuro – lqoyo rabter sumule bether. Slutho du cufoyo fshito bi methtaybonutho du ahl dketne ghalabe qariwe kibe dhowe ghalabe shafiro u bsukolo. A qariwe i naqla d`ebci bether kiben demcazmi kensho zeter lashan dsaymi  dukrono lumithathe.
  • Qwarto bether mu tawqido. Kitoste mkono dmisem qwarto  lumitho dmitawqed. I naqlayo i slutho gmisomo lashan quduro bdukthe du tabut  wiqwartho  kiba dfaysho   hol shato.